Stefán Logi Sívarsson, oft kenndur við Skeljagranda, var í gær fluttur af fangelsinu Sogni fyrir líkamsárás á samfanga.
Samkvæmt heimildum Stundarinnar brutust út átök milli Stefáns Loga og samfanga hans í lyftingasalnum í fangelsinu, með þeim afleiðingum að beinbrot varð í vinstri augntóft samfangans.
Sendur á Litla-Hraun
„Þeir voru eitthvað að rífast um tónlistarval. Samfanginn kom þarna niður og Stebbi var með einhverja tónlist á og samfanganum fannst hún of há og lækkaði í henni. Löggan var þarna allan gærdag að taka yfirheyrslur og Stebbi fór beint upp á Litla-Hraun,“ segir heimildarmaður Stundarinnar.
Margrét Frímannsdóttir, forstöðumaður bæði á Sogni og Litla-Hrauni, neitar að staðfesta að alvarleg líkamsárás hafi átt sér stað á Sogni.
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Fangelsismál
Ekki veittar upplýsingar um tekjur og gjöld Fangelsismálastofnunar vegna vinnu fanga
„Samkvæmt upplýsingum frá Fangelsismálastofnun ríkisins er ekki hægt að sundurliða gjöld vegna vinnu afplánunarfanga sérstaklega.“
Ofbeldisfangar án betrunar: „Hérna eru menn með vandamál“
„Er sálfræðingur að vinna hér?“ spurði fangi á Litla-Hrauni þegar hann var inntur eftir því hvort og þá hvenær hann hefði fengið sálfræðiviðtal. Einn sálfræðingur sinnir 180 föngum sem afplána dóma á Íslandi og ekkert sérhæft úrræði er fyrir fanga sem sitja inni fyrir líkamsárásir. Fangarnir sögðust þó myndu þiggja slíka aðstoð ef hún væri markviss og í boði.
Bannað að vera viðstaddur útskrift: „Ég er alveg miður mín“
„Fyrir mig er þetta stór áfangi en fyrir fjölskylduna er þetta enn stærri áfangi,“ skrifar Guðmundur Ingi Þóroddsson fangi í bréfi til fangelsismálastjóra. „Guðmundur hefur staðið sig ótrúlega vel,“ segir fjarnámsstjóri Verslunarskóla Íslands sem er miður sín yfir að hann fái ekki að vera viðstaddur útskriftina.
Barnaníðingur nýtur góðs af breytingu laga um rafrænt eftirlit
Í apríl síðastliðnum var þeim Sigurði Einarssyni, Magnúsi Guðmundssyni og Ólafi Ólafssyni sleppt út af Kvíabryggju og á Vernd. Ástæða þess að þeir fengu frelsi fyrr en ella var lagabreyting, sem þingkona sagði sérstaklega smíðuð utan um þessa fanga. Einn af þeim sem nú njóta góðs af þessari lagabreytingu er barnaníðingurinn Sigurður Ingi Þórðarson.
Kaupþingsmenn leystir úr haldi eftir lagabreytingar
Ólafur Ólafsson, Sigurður Einarsson og Magnús Guðmundsson losna af Kvíabryggju í dag. Lagabreyting að upplagi allsherjarnefndar Alþingis tryggði föngunum aukið frelsi. Breytingin var smíðuð utan um þessa fanga, segir þingkona.
Annar bankamaður kominn á Kvíabryggju
Elmar Svavarsson, fyrrverandi verðbréfamiðlari hjá Glitni, mætti í vikunni á Kvíabryggju til að afplána dóm sinn. Hann er sjötti maðurinn sem afplánar á Kvíabryggju vegna efnahagsbrota tengdum hruninu. Fjöldi bankamanna á eftir að afplána dóma sína.
Athugasemdir