Fannst pínlegt að horfa upp á framgöngu Bjarna gagnvart skattrannsóknarstjóra

Smári McCarthy, odd­viti Pírata í Suð­ur­kjör­dæmi, segir að sér hafi þótt pín­legt að horfa upp á fram­göngu Bjarna Bene­dikts­sonar, fjár­mála- og efna­hags­ráð­herra, gagn­vart skatt­rann­sókn­ar­stjóra þegar kaup á gögnum um aflands­fé­lög Íslend­inga voru til skoð­unar í fyrra. Á þeim tíma vissi Smári að Falson & Co, félag fjár­mála­ráð­herra sjálfs, kæmi fyrir í gögn­unum enda var Smári einn þeirra sem tóku þátt í úrvinnslu Panama-skjal­anna mörgum mán­uðum áður en fjallað var um þau í fjöl­miðlum.

Eins og Stundin hefur áður fjallað um setti fjár­mála­ráðu­neytið kaupum á gögn­unum skil­yrði sem skatt­rann­sókn­ar­stjóra reynd­ist erfitt að upp­fylla. Fyrir vikið var ekki hægt að hafa eins hraðar hendur við kaupin og margir innan stjórn­sýsl­unnar hefðu viljað.

Gögn sem Stundin fékk aðgang að á grund­velli upp­lýs­inga­laga fyrir helgi sýna að skatt­rann­sókn­ar­stjóri sendi fjár­mála­ráðu­neyt­inu tölvu­póst í des­em­ber 2014 þar sem fram kom að svo virt­ist sem fjöl­miðla­um­ræða væri að fara af stað á þá lund …