Félagið Lind­ar­hvoll er óbundið af stjórn­sýslu­lögum við sölu á stöð­ug­leika­eignum rík­is­sjóðs sem metnar hafa verið á tæp­lega 400 millj­arða króna. Umboðs­maður Alþingis benti efna­hags- og við­skipta­nefnd Alþingis á þetta þegar Bjarna Bene­dikts­syni, þáver­andi fjár­mála- og efna­hags­ráð­herra, var veitt laga­heim­ild til að stofna félagið í fyrra. Lind­ar­hvoll ann­ast umsýslu, fulln­ustu og sölu þeirra eigna sem runnu rík­is­sjóði í skaut eftir að kröfu­hafar fall­inna við­skipta­banka og spari­sjóða reiddu fram svo­nefnd stöð­ug­leika­fram­lög. Félagið er einka­að­ili og taka stjórn­sýslu­lög ekki til þess. 

Þetta kemur skýrt fram í svar­bréfi umboðs­manns Alþingis frá því í októ­ber eftir að borist hafði kvörtun vegna söl­unnar á eign­ar­hlut rík­is­ins í Sjóvá. Segist umboðs­maður hafa bent Alþingi á að Lind­ar­hvoll yrði óbundið af stjórn­sýslu­lögum þegar frum­varpið um stofnun félags­ins var til umfjöll­unar í efna­hags- og við­skipta­nefnd. Í nefnd­ar­á­liti meiri­hluta efna­hags- og við­skipta­nefndar var þó tekið sér­stak­lega fram að „ákvæði stjórn­sýslu­laga og upp­lýs­inga­laga skuli lögð til grund­vallar starf­semi félags­ins eftir því sem við á og mælt er fyrir um í hlut­að­eig­andi lögum“. Þessari yfir­lýs­ingu var ekki fylgt eftir í laga­text­anum sjálfum.