Salan á kvóta Tálknfirðinga: „Þeir ætla að selja í burtu vinnuna mína“

Íbúum á Tálkna­firði er mjög brugðið vegna áforma eig­enda Þórs­bergs um að selja skip og kvóta fyr­ir­tæk­is­ins suður í Garð. Samkvæmt heim­ildum Stund­ar­innar er hluti af kaup­unum fólg­inn í því að Tálkn­firð­ingar fá smá­báta­kvóta. Sam­komu­lagið er talið vera í höfn. Bergþór Bald­vins­son, fram­kvæmda­stjóri Nesfisks, vís­aði aðspurður um málið á Guðjón Ind­riða­son, aðal­eig­anda Þórs­bergs. 

Stundin greindi frá mál­inu í gær. Íbúar og fyrr­ver­andi starfs­menn Þórs­bergs fá ekk­ert að vita fremur en Verka­lýðs­fé­lag Vest­firð­inga sem ítrekað hefur leitað eftir svörum frá eig­endum Þórs­bergs um áform þeirra. „Við kröfðum þá enn einu svara í síð­ustu viku en fengum ekk­ert upp úr þeim þrátt fyrir samn­ing eftir upp­sagn­irnar um þeim beri að halda okkur upp­lýstum. Ég hef ekk­ert fengið upp úr þeim,“ segir íbúi á staðnum, sem vill ekki láta nafns síns getið af ótta við að afkomu hans verði enn frekar ógnað.

Íbúinn ræðir um þá stöðu sem eru uppi þegar verið er að selja 1.200 tonna kvóta Þórs­bergs í burtu af staðnum. Byggða­stofnun á rúm­lega 20 pró­senta hlut í félag­inu og þar með íslenska ríkið. 

„Maður fær ekki að vita neitt hérna. Þeim er alveg sama þótt byggð­ar­lag­inu blæði,“ segir hann.

Eftir standa tóm fisk­vinnslu­hús í 300 manna þorpi þar sem lífs­björgin er að mestu horfin. Starfs­menn Þórs­bergs hafa fram að þessu lagt sveit­ar­fé­lag­inu til um 66 pró­sent af útsvars­tekj­unum. Í byrjun sept­em­ber var öllu starfs­fólki Þórs­bergs á sjó og landi sagt upp. Á starfs­manna­fundi var fólki sagt að það væri vegna fyr­ir­hug­aðr­arar sölu fyr­ir­tæk­is­ins. Ástæðan var að sögn langvar­andi rekstr­ar­tap félags­ins. Um það leyti voru við­ræður í gangi við Odda á Pat­reks­firði um að taka yfir rekst­ur­inn. Upp úr þeim við­ræðum slitn­aði nýverið og Nes­fiskur í Garði kom inn í mynd­ina.