Sævar Poetrix svarar Jóhannesi Hauki fullum hálsi: „Ég kem frá einstaklega veikri fjölskyldu“

Rapp­ar­inn Sævar Poetrix ætlar ekki að mæta fyrir dóm­stóla vegna ákæru gegn honum vegna vörslu kanna­bis. Eftir að Vísir greindi frá þessu fyrr í dag brást leik­ar­inn Jóhannes Haukur Jóhann­es­son við með því að segja á Facebook-síðu sinni að hann væri orðin þreyttur á væli „hass­hausa“. DV birti síðan frétt þar sem vísað var í ummæli Jóhann­esar Hauks. Sævar hefur nú svarað Jóhann­esi Hauki, með langri færslu á Facebook þar sem hann gagn­rýnir ummælin og fjallar um sína per­sónu­lega hagi. 

Hlustar ekki á svona væl 

„Um leið og ég sé hóp af hass­reyk­inga­mönnum sem eru pródúk­tí­vir ein­stak­lingar sem leggja eitt­hvað til sam­fé­lags­ins og gera eitt­hvað af viti, þó það sé ekki nema að sinna ein­hverju starfi af svo mikið sem örlitlum metn­aði, þá er ég til í að fara að hlusta á svona mál­flutn­ing. Þangað til það ger­ist, hlusta ég ekki á svona væl. ‪#‎Tell­ingIt­Li­k­eItIs,“ skrif­aði Jóhannes Haukur fyrr í dag og tengdi á frétt Vísis.

Margir gagn­rýndu þessa skoðun og má þar helst nefna Mikael Torfason, rit­höf­und og fyrrum rit­stjóra, sem segir starfs­bræður Jóhann­esar í Banda­ríkj­unum skila sínu þrátt fyrir neyslu.

„Þangað til það ger­ist, hlusta ég ekki á svona væl“

„Ég hef átt stórbrotna ævi“

Neðar í þræð­inum er færsla frá Sævari þar sem hann lýsir fjöl­skyldu­högum sínum fyrir Jóhann­esi. „Sævar heiti ég og lang­aði að kynna mig. Ég hef átt stór­brotna ævi. Ég kem frá ein­stak­lega veikri fjöl­skyldu sem glímdi við alkó­hól­isma, geð­sjúk­dóma, tryll­ings­legt ofbeldi og trú­ar­bragða­of­stæki. Ég las 15.000 bækur frá sjö ára aldri til fimmtán ára. Þá flutti ég að heiman til að spreyta mig ein­sam­all,“ skrifar Sævar.

Því næst lýsir Sævar fram­lagi sínu til sam­fé­lags­ins. Hann seg­ist hafa gefið út plötur, skipu­lagt við­burði, gefið út ljóða­bók, verið rit­stjóri tíma­rits og starfað sem mark­aðs­stjóri sprota­fyr­ir­tækis.

Hefur elskað og hatað

Bréf Sævars til Jóhann­esar Hauks hljómar á köflum eins og rapp­lag. „Hef ferð­ast um ver­öld­ina þvera og endi­langa, umgeng­ist róna og hefð­ar­fólk, tekið meira dóp en þú ímynd­aðir þér að hafa tekið í Svartur á leik. Hugleitt í fleiri klukku­stundir en flestir eyða fyrir framan sjón­varpið. Dílað við fleiri vanda­mál en heróín­sali. Ég get talað flesta undir borðið um heim­speki­stefnur, hug­vís­indi, mál­vís­indi, sál­fræði, trú­ar­brögð, stefnur og strauma í sam­fé­lags­hug­myndum. Tussufær í öðrum umræðu­efnum líka. Allt þetta hef ég gert í skugga flók­innar áfallastreiturösk­unnar eftir æsku sem þú getur ekki gert þér í hug­ar­lund en getur lesið um í fyrstu bók­inni minni sem ég gaf sjálf­stætt út fyrir jól. [...] Flest allt sem ég hef gert hefur verið einka­fram­tak og ég er sjálf­lærður að öllu leyti. Ég hef lifað. Brunnið. Elskað og hatað,“ skrifar Sævar.

„Ég hef lifað. Brunnið. Elskað og hatað.“

Segist ekki vera aðgerðarsinni

Sævar segir að sú ákvörðun hans að mæta ekki í rétt­ar­sal þýði ekki að hann sé aðgerð­ar­sinni. „Ég er ekki hópur af hass­reyk­inga­mönnum. Þetta er minn mál­flutn­ingur og kemur því bara ekk­ert við hvað hópar ókunn­ugs fólks eru að gera. Þetta „væl“ snýst ekki um hvort það sé rétt að reykja kanna­bis eða ekki. Þetta snýst ekki um að ég sé sé eitt­hvað sér­stak­lega harður aðgerðasinni fyrir mál­staðnum að lög­leiða skuli kanna­bis. Þetta snýst ekki um per­sónu­legar skoð­anir fólks á því hvort sé betra að vera edrú eða ekki.

Þetta snýst um að eng­inn ætti að hafa vald til að segja þér hvernig þú átt að haga lífi þínu. Ríkið eða önnur bákn eru ekki heilög, þau hafa ekki fyrir eitt­hvað nátt­úru­lög­mál, rétt á því að stýra hvað þú setur ofan í þig, ryðj­ast inn á heim­ili okkar, hlera sím­anna okkar, fylgj­ast með ferðum okkar eða athöfnum, stjórna mann­legum sam­skiptum okkar, við­skiptum eða sam­fé­lags­legum fram­kvæmdum ein­stak­linga,“ skrifar Sævar.