Helgi Jean Claessen, eig­andi og fyrrum rit­stjóri vef­mið­ils­ins menn.is, er mað­ur­inn sem kærði syst­urnar Malín Brand og Hlín Ein­ars­dóttur í gær fyrir fjár­kúgun. Í sam­tali við Stundina seg­ist Helgi ekki getað tjáð sig um málið að svo stöddu, vegna beiðni frá bæði lög­reglu og lög­manni. Hann segir þó að ásak­anir systr­anna hafi verið fár­an­legar og þegar lög­reglu­rann­sókn sé lengra á leið komin muni hann lýsa máls­at­vikum nánar.

DV greindi fyrst frá því í gær að annar maður hefði kært syst­urnar. Vísir greindi svo frá því að syst­urnar hefðu sakað Helga um að hafa nauðgað Hlín eitt laug­ar­dags­kvöld í apríl. Á mánu­deg­inum hefðu þær haft sam­band við Helga og kraf­ist þess að hann borg­aði 700 þús­und krónur ella yrði hann kærður til lög­reglu. 

Malín Brand tók svo við pen­ing­unum og afhenti kvittun, sem var skrifuð á bréfs­efni Morg­un­blaðs­ins, þar sem stað­fest var að hann hefði greitt upp­hæð­ina. Kvitt­unin er nú hluti af rann­sókn­ar­gögnum lög­regl­unnar. Syst­urnar voru báðar yfir­heyrðar vegna máls­ins í gær og stóð yfir­heyrslan fram á kvöld.