Ýmis merki eru um að inn­flytj­enda­hatur, rasísk hegðun og áreiti í garð útlend­inga hafi náð nýjum hæðum í Bret­landi eftir að brott­hvarfs­sinnar báru sig­ur­orð af Evr­ópusinnum í þjóð­ar­at­kvæða­greiðsl­unni um aðild Bret­lands að Evr­ópu­sam­band­inu.

Áróður Hér má sjá eitt af áróð­urs­pla­kötum brott­hvarfs­sinna.

Kosn­inga­bar­átta brott­hvarfs­sinna var að miklu leyti knúin áfram af þjóð­ern­is­hyggju og áróðri gegn inn­flytj­endum. Eftir sig­ur­inn í þjóð­ar­at­kvæða­greiðsl­unni virð­ast ras­istar hafa öðl­ast aukið sjálfs­traust. Á Facebook og Twitter ganga ótal sögur af atvikum þar sem inn­flytj­endur og fólk af erlendu bergi brotið hefur orðið fyrir aðkasti. 

Stofn­aðar hafa verið síður, bæði á Facebook og Twitter, undir yfir­skrift­inni Post Ref Racism til að halda utan um sög­urnar. „Það að við höfum greitt atkvæði um að ganga úr Evr­ópu­sam­band­inu þýðir EKKI að neinn hafi fengið lýð­ræð­is­legt umboð til rasísks áreitis, yfir­gangs, kúg­unar eða hat­ursá­róð­urs,“ segir í yfir­lýs­ingu á Facebook-síð­unni. Grófustu atvikin, svo sem eign­ar­spjöll á hús­næði Pólska félags- og menn­ing­ar­sam­bands­ins í London, eru til rann­sóknar hjá lög­reglu.

Stundin tók saman nokkrar sögur sem vakið hafa athygli. Áður hafa Huffington Post, Guardian, Washington Post og fleiri miðlar fjallað um málið.