Óttarr vill aukna aðkomu einkaaðila á sviði lyfjamála – Lyfjafræðingar segja erlend lyfjafyrirtæki beita þrýstingi

Óttarr Proppé heil­brigð­is­ráð­herra vill skoða hvort æski­legt sé að heim­ila sölu á til­teknum lausa­sölu­lyfjum í almennum versl­unum á lands­byggð­inni og kanna hag­kvæmni þess að útvista rekstri gagna­grunna og raf­rænni umsýslu lyfja­mála til einka­að­ila. Þá vill hann efla kostn­að­ar­vit­und heil­brigð­is­starfs­fólks og almenn­ings vegna lyfja­kaupa.

Þetta er á meðal þess sem fram kemur í lyfja­stefnu ráð­herra til næstu fimm ára en þings­á­lykt­un­ar­til­lagan er nú til umfjöll­unar í vel­ferð­ar­nefnd Alþingis. 

Í umsögn Lyfja­fræð­inga­fé­lags Íslands um lyfja­stefn­una er full­yrt að hug­myndir um að fela almennum versl­unum sölu lyfja sé runnar undan rifjum erlendra lyfja­fyr­ir­tækja sem beiti íslenskum umboðs­mönnum sínum í hags­muna­gæslu hér á landi. 

„LFÍ er and­vígt því að sala lyfja verði umfram það sem nú er leyfð í almennum versl­unum. Þetta er sagt með örygg­is­mál og vel­ferð sjúk­linga í huga, ekki við­skipta­hags­muni. Vart hefur verið við umræðu í þjóð­fé­lag­inu um að leyfa slíkt. Sala lyfja á að vera í höndum þeirra sem sér­fræði­þekk­ing­una hafa. LFÍ hefur upp­lýs­ingar um að sú umræða er runnin undan rifjum erlendra lyfja­fram­leið­enda sem beita íslenskum umboðs­mönnum sínum í þeirri bar­áttu. LFÍ sér enga ástæðu til að ganga erinda þeirra,“ segir í umsögn félags­ins.

„Ef opin­berir aðilar hyggj­ast skoða þessar hug­myndir þá vill LFÍ hvetja til þess að reynsla, þróun, t.d. á Norð­ur­löndum, verði skoðuð og einnig skil­yrði, ábyrgð, eft­ir­lit, leyf­is­veit­ingar, þjálfun og leyf­is­gjöld. Fyrst og fremst er þessi skoðun sett fram með vel­ferð og öryggi sjúk­linga í huga. LFÍ bendir á að það þyrfti frekar að skoða umhverfi fyrir lyfja­útibú á lands­byggð­inni þar sem dæmi eru um að útibú frá heilsu­gæslu og lyfja­úti­búum í flokki 3 hafi verið lokað vegna þess að það fékkst eng­inn starfs­maður. Við leysum það ekki með því að flytja dreyf­ing­una í almennar versl­anir sem líka eru að hætta starf­semi úti á lands­byggð­inni.“

Lyfja­fræð­inga­fé­lag Íslands geldur jafn­framt var­hug við hug­myndum um að útvista rekstri lyfja­gagna­grunna. „Við erum ekki viss hvort æski­legt sé að útvista rekstri gagna­grunna. Einnig verður að hafa gild­is­töku nýrra laga um per­sónu­vernd í huga,“ segir í umsögn félags­ins.