Ólöf skráð formaður bankaráðs

Ólöf Nordal inn­an­rík­is­ráð­herra er enn skráð for­maður banka­ráðs Seðla­banka Íslands þrátt fyrir að ráð­herra sé óheim­ilt að sitja í banka­ráði sam­kvæmt lögum um bank­ann. Þetta kemur fram í frétt á vef Hring­brautar. 

Ólöf tók við emb­ætti inn­an­rík­is­ráð­herra í byrjun des­em­ber síð­ast­liðnum en sam­kvæmt frétt Hring­brautar gengur stjórn­ar­flokk­unum erf­ið­lega að finna eft­ir­mann Ólafar á for­manns­stóli. Formaður Sjálf­stæð­is­flokks­ins vilji fela Tryggva Þór Her­berts­syni fyrr­ver­andi þing­manni flokks­ins for­mennsk­una, en heim­ildir Hring­brautar herma að for­ysta Fram­sókn­ar­flokks­ins hafi þver­tekið fyrir það. Helst sé nú horft til manna á borð við dr. Friðrik Má Bald­urs­son pró­fessor í hag­fræði og Vilhjálm Egilsson rektor á Bifröst sem var þing­maður Sjálf­stæð­is­flokks­ins frá 1991 til 2003 og síðar fram­kvæmda­stjóri SA.

Styður lögreglustjóra þrátt fyrir lögbrot

Líkt og Stundin greindi frá í síð­ustu viku styður Ólöf Nordal inn­an­rík­is­ráð­herra Sigríði Björk Guð­jóns­dóttur lög­reglu­stjóra á höf­uð­borg­ar­svæð­inu þrátt fyrir að hún hafi sam­kvæmt úrskurði Per­sónu­verndar brotið lög um per­sónu­vernd …