Mars

#freethenipple

Ein stærsta net­bylt­ingin átti sér stað í mars. Nemandi í Versl­un­ar­skóla Íslands birti mynd af sér á Twitter þar sem hún var ber að ofan og fékk ákúrur fyrir. Í kjöl­farið risu mörg þús­und konur upp henni til varnar og birtu myndir af frjálsum geir­vörtum á sam­fé­lags­miðlum. Þá gengu konur ber­brjósta um bæinn og fóru berar að ofan í sund. Á meðal þeirra sem tóku þátt í bylt­ing­unni var Björt Ólafs­dóttir þing­kona sem frels­aði brjóstin gegn hlut­gerv­ingu og hrelliklámi, með þessum orðum: „Þessi er hérna til að gefa börnum að borða. Troðið því upp í feðra­veldið á ykkur.“

#lægðin

Mikil umræða spannst um lægð­ina sem lá yfir land­inu. Lægðin olli marg­vís­legu tjóni og varð þess vald­andi að almenn­ingur hélt sig inn­an­dyra og hékk á Twitter. Myllu­merkið hélt vin­sældum sínum út árið.

Apríl

#sexdagsleikinn

Málþing nem­enda í kynja­fræði í fram­halds­skólum tók óvænta stefnu þegar þeir ákváðu að efna til nýrrar bylt­ingar á sam­fé­lags­miðlum um hvers­dags­legt kynja­mis­rétti. „Konur hanga mikið á bíla- og dekkja­verk­stæðum. Uppi á vegg, alls­berar á daga­tali,“ tísti rit­höf­und­ur­inn Stefán Máni Sig­þórs­son.