Lýsir úthlutun lóðar til einkasjúkrahúss sem atvinnuþróunaraðstoð Mosfellsbæjar við huldumenn með óljósa eignastöðu

Fyrsti fundur bæj­ar­stjórnar Mos­fells­bæjar eftir sum­ar­frí stendur nú yfir og hefur Sigrún Páls­dóttir, full­trúi Íbúa­hreyf­ing­ar­innar bókað harða gagn­rýni á vinnu­brögð full­trúa D- og S-lista í bæj­ar­ráði vegna úthlut­unar lóða til einka­sjúkra­húss og hót­els með þyrlu­palli. 

„Bæj­ar­full­trúi Íbúa­hreyf­ing­ar­innar átelur þau vinnu­brögð full­trúa D- og S-lista í bæj­ar­ráði Mos­fells­bæjar harð­lega að hafa í sum­ar­fríi bæj­ar­stjórnar úthlutað óþekktum aðilum í trássi við eðli­lega verk­ferla sam­tals hund­rað og tutt­ugu þús­und m2 af landi Mos­fells­bæjar til eignar undir þrjá­tíu þús­und m2 einka­sjúkra­hús og -hótel með þyrlu­palli,“ segir í bók­un­inni sem Stundin hefur undir höndum.

Fram kemur að hand­höfum leyf­ist að veð­setja lóð­irnar að fengnu óskil­greindu leyfi Mos­fells­bæjar og einnig kaup­rétt­inn. Engin gögn hafi fylgt mál­inu sem bendi til for­vinnu af neinu tagi.

„Engin áreið­an­leika­könnun var gerð á því hvort um væri að ræða aðila sem væru trausts­ins verðir; engin grein­ar­gerð við­skipta­banka um fjár­hags­lega burði þeirra til að ráð­ast í verk­efni af stærð­argráðunni 50 millj­arðar króna; engir útreikn­ingar á arð­semi verk­efn­is­ins fyrir Mos­fell­inga; engar upp­lýs­ingar um umhverf­is­á­hrif; ekk­ert sam­ráð við heil­brigð­is­yf­ir­völd, heldur ekki íbúa og engin fag­leg álit stjórn­sýslu­stofn­ana. Lýð­ræð­is­legum stjórn­sýslu­þætti und­ir­bún­ings var hrein­lega sleppt,“ segir í bók­un­inni.

Þá kemur fram að við lestur samn­ings­ins vakni grunur um að aðil­arnir sem um ræðir hafi ekki fjár­magn til að greiða gatna­gerð­ar­gjöld nema þeir fái leyfi til að veð­setja landið.

„Landið er lík­lega það verð­mikið að þeir geta líka tekið lán út á það til að fjár­magna kostnað við að gera það bygg­ing­ar­hæft. Að því loknu geta þeir veð­sett kaup­rétt­inn. Samn­ing­ur­inn bendir til þess að þetta séu aðilar með hafa hug­mynd en lítið sem ekk­ert eigið fé. Það má telj­ast með öllu óábyrgt af bæj­ar­ráði að afhenda óþekktum, erlendum aðilum verð­mætar eignir sveit­ar­fé­lags­ins. Sá mögu­leiki er raun­veru­legur að landið kom­ist í hendur þriðja aðila í gegnum veð­setn­ingar og að sá aðili vilji síðan koma land­inu í verð fyrir sem mestan pen­ing, án til­lits til hags­muna sveit­ar­fé­lags­ins. Það gengur þvert á stefnu sveit­ar­fé­laga að selja land sem þau eiga.“

Telur full­trúi Íbúa­hreyf­ing­ar­innar að samn­ing­ur­inn verði vart skil­inn öðru­vísi en sem atvinnu­þró­un­ar­að­stoð Mos­fells­bæjar við aðila sem bæj­ar­ráð viti ekki hverjir eru og hafi ekki sýnt fram á að hafa neitt eigið fé, hvað þá trú­verð­ug­leika eða burði til að standa í fram­kvæmdum upp á 50 millj­arða. Í því sam­bandi veki athygli að þeir þurfi ekki að fram­vísa við­skipta­á­ætlun fyrr en 1. des­em­ber 2017. „Hér er um að ræða dýr­mætt land í eigu Mos­fells­bæjar sem látið er af hendi gegn vægu verði og fyrir starf­semi sem gengur þvert á vilja þjóð­ar­innar og stefnu stjórn­valda í heil­brigð­is­málum.“