Margrét Erla Maack, dagskrárgerðarkona á Rás 2, hefur beðist afsökunar á ummælum sem hún lét falla í morgunþætti Rásar 2 í morgun. 

„Við minnum bara fólk á að nauðga bara heima hjá sér í Vestmannaeyjum“ sagði hún í lok þáttarins og vísaði þar til umræðu um kynferðisbrot á Þjóðhátíð og þagnarkröfu Páleyjar Borgþórsdóttur, lögreglustjóra í Vestmannaeyjum.

Sjá einnig:

Umdeildur lögreglustjóri skorar á bæjarstjórann að bjóða sig fram til Alþingis

Elliði kemur Páleyju til varnar en ríkislögreglustjóri segir
þagnarkröfu hennar „stílbrot“
 

Margrét segir nú að hún hafi farið yfir strikið í beinni útsendingu og að ummælin hafi ekki verið boðleg á vettvangi Ríkisútvarpsins.

Haft er eftir Frank Hall, dagskrárstjóra Rásar 2, á vef RÚV að þau Margrét hafi rætt málin, hún sjái eftir ummælunum og sé búin að biðjast afsökunar á þeim. 

Skiptar skoðanir eru um málið á samfélagsmiðlum. Skemmtikrafturinn Þorsteinn Guðmundsson og fleiri benda á að kaldhæðni sé mikilvægt tæki sem megi ekki úthýsa:
 

Þá furðar Hildur Lilliendahl Viggósdóttir, einn nafntogaðasti femínisti landsins til margra ára, sig á því að fólki finnist eitthvað athugavert við kaldhæðni Margrétar Erlu: 

Páley Borgþórsdóttir, lögreglustjóri í Vestmannaeyjum, hefur verið gagnrýnd harðlega eftir að hún lét eftirfarandi orð falla í viðtali við Vísi:

„Flest þessara brota eiga sér stað á milli tveggja einstaklinga í lokuðum rýmum þangað sem fólk fer yfirleitt sjálfviljugt. Það er bara staðreyndin. Við erum ekki að sjá þessi brot, sem betur fer og vonandi munum við ekki sjá það og reynum að fyrirbyggja með öflugri gæslu og svona, þessi almannafærisbrot. Og það er náttúrlega það sem sífellt er verkefni lögreglu. Að reyna að tryggja löggæslu á almannafæri og allstaðar svo fólk sé óhult þar sem það er á gangi á ýmsum vettvangi. En það er erfiðara við að eiga, og þess vegna eru þetta svona viðkvæm brot, þau gerast mjög oft á milli tengdra og nátengdra aðila inni í lokuðu rými.“

Þá hefur verið haft eftir Páleyju að lögregluembættið í Vestmannaeyjum muni tilkynna um fjölda fíkniefnamála og líkamsárása á almannafæri á Þjóðhátíð, enda sé þar um almannahættu að ræða. Þetta eigi yfirleitt ekki við um kynferðisafbrot.

Snjallmiðlakynslóðin hefur brugðist harkalega við framgöngu og málflutningi lögreglustjórans.