Margrét R. Jónasar­dóttir er ástríðu­kokkur, með óþrjót­andi áhuga á heilsu og matar­æði. Hún borðar helst hollan mat og les inni­halds­lýs­ingar á mat­vælum til að sneiða hjá óholl­ustu. Áhugi hennar á mat­ar­gerð hefur alltaf fylgt henni og í gegnum tíð­ina hefur hún verið fljót að til­einka sér nýj­ungar og heldur úti vin­sælu mat­ar­snappi, undir nafn­inu margretrj.

Gleðin í eld­hús­inu Margrét veit fátt skemmti­legra en að elda og hefur húmor­inn með sér.

Á árinu hefur hún hins vegar þurft að gera miklar breyt­ingar á matar­æð­inu sem má rekja til þess að hún vann yfir sig fyrir nokkrum árum með þeim afleið­ingum að ónæm­is­kerfið veikt­ist og hún greind­ist með skjald­kirtils­sjúk­dóm. „Í kjöl­farið fór ég enn betur í gegnum matar­æðið og leit­aði leiða til þess að styrkja ónæm­is­kerfið og lækna skjald­kirtil­inn. Til þess tók ég út allt glúten og allar mjólk­ur­vörur,“  segir Margrét. „Það er áskorun því ég þarf að hugsa allt upp á …