„Heill sé Trump! Heill sé fólk­inu okkar! Heill sé sigrinum!“ kallar Richard Spencer, for­seti National Policy Institute, í ræðu sinni á árs­fundi sam­tak­anna í Washington um helg­ina, þar sem jakka­fata­klæddir, hægri fas­istar hitt­ust og fögn­uðu því meðal ann­ars að Donald Trump hefði verið kjör­inn for­seti Banda­ríkj­anna.

Ræðunni hefur nú verið dreift á Facebook af frétta­tíma­rit­inu The Atlantic. Í ræð­unni færir Spencer orð­ræðu Donalds Trump lengra í átt til fas­isma. 

Donald Trump hefur í ræðum sínum end­ur­tekið að fjöl­miðlar séu „lyga­fjöl­miðlar“. Þá hefur hann sakað þá um heimsku sem eru and­vígir boð­skap hans og gert lítið úr þeim á ýmsan annan hátt.

„Stóru fjöl­miðl­arnir, sem við ættum kannski að nota upp­runa­lega þýska heitið yfir -Lügen­presse...“ segir Spencer í ræð­unni, en slag­orðið var meðal ann­ars notað af nas­istum til þess að grafa undan trú­verð­ug­leika fjöl­miðla í upp­risu þeirra í Þýska­landi á milli­stríðs­ár­unum. Adolf Hitler not­aði slag­orðið strax árið 1922. Stuðn­ings­menn Trumps hafa einnig sungið slag­orðið Lügen­presse á fundum hans.

Richard Spencer notar sam­bæri­legt orða­lag í ræðu sinni og Donald Trump, en gengur lengra og lýsir and­stæð­ingum sínum sem ómann­eskju­legum. „Það er ekki bara að þeir eru vinstri sinn­aðir og veik­geðja, það er ekki bara að þeir eru raun­veru­lega heimskir, maður veltir fyrir sér hvort þetta fólk sé fólk yfir­höfuð,“ sagði hann undir hlátri við­staddra. 

Sigur Donalds Trump hefur valdið aukn­ingu á hat­urs­glæpum í Banda­ríkj­unum, en hat­urs­glæpum hafði þegar fjölgað fyrir kjör hans. 

Hér fyrir neðan má sjá stuðn­ings­mynd­band fyrir Donald Trump þar sem hann leggur áherslu á heimsku ann­arra og „lyga­fjöl­miðla“. „Pressan lýgur, þeir eru hræði­legt fólk... Það er mjög heimskt fólk að semja fyrir okkur í þessu landi.“ 

Hér má sjá mynd­band af atvikum þar sem Donald Trump hefur heillað fylg­is­menn sína meðal ann­ars með því að hóta mót­fram­bjóð­anda sínum fang­els­is­vist og gagn­rýna það sem er „póli­tískt rétt“.