Lög­reglan á höf­uð­borg­ar­svæð­inu mun í dag óska eftir áfram­hald­andi gæslu­varð­haldi vegna Thomas Møller Olsen, skip­verj­anum á Polar Nanoq sem sat undir stýri á rauða Kia Rio-bíla­leigu­bílnum nótt­ina sem Birna Brjáns­dóttir hvarf. Nikolaj Olsen, hinn skip­verj­inn, sem Stundin greindi frá að hefði verið ofurölvi þessa nótt, verður ekki áfram í gæslu­varð­haldi. Ekki verður farið fram á far­bann yfir honum, en hann hefur þó enn rétt­ar­stöðu grun­aðs manns.

Samkvæmt heim­ildum Stund­ar­innar hefur Nikolaj aldrei breytt fram­burði sínum í yfir­heyrslum lög­reglu. Hefur hann gefið þær skýr­ingar að hann hafi verið ofurölvi þetta kvöld og muni ekki eftir neinu, nema einu augna­bliki. Sú minn­ing og það augna­blik hefur haft mikla þýð­ingu fyrir rann­sókn máls­ins þar sem að fram­burður Nikolaj það sterk­lega til kynna að hann og Thomas Møller hefðu ekki sam­ræmt vitn­is­burði sína um atburði næt­ur­innar.

Á ein­hverjum tíma­punkti aðfara­nótt laug­ar­dags­ins 14. jan­úar, eftir að hafa drukkið ótæpi­lega á skemmti­stað í mið­borg Reykja­víkur, seg­ist Nikolaj hafa litið í aft­ur­sæti rauða Kia Rio-bíla­leigu­bíls­ins, sem Thomas Møller ók, og séð tvær stelpur. Nikolaj seg­ist ekki vita klukkan hvað hann sá stelp­urnar eða hvar hann var staddur. Stundin greindi frá frá­sögn íslenskrar vin­konu Nikolajs, sem stað­festi frá­sögn hans af því að hann hefði verið í miklu ölv­unar­á­standi.

Mun bera vitni í málinu

Þá hefur Stundin heim­ildir fyrir því að klukkan 06:10, þegar rauður Kia Rio sést keyra inn á hafn­ar­svæðið við Hafn­ar­fjarð­ar­höfn, sé Thomas Møller Olsen undir stýri en Nikolaj far­þegi. Þeir ræða saman í örstutta stund, kannski eina til tvær mín­útur, og síðan gengur Nikolaj um borð. Thomas Møller sest undir stýri og ekur á brott, vestur eftir hafn­ar­bakk­anum. Nikolaj sést ekki aftur fara í bíl­inn. 

Ekki sést í aft­ur­sæti bif­reið­ar­innar á örygg­is­upp­tökum frá Hafn­ar­fjarð­ar­höfn.

Hefur annar mann­anna, þessi sem þið hafið ákveðið að sleppa í dag, hefur hann haldið sig við sömu útskýr­ingar og sama fram­burð í gegnum allar yfir­heyrsl­urnar?

„Ég hef ekki farið út í það sem kemur fram við yfir­heyrslur og get því miður ekki svarað þessu.“

Verður óskað eftir far­banni vegna skip­verj­ans sem verður sleppt í dag?

„Nei, það var tekin ákvörðun um að óska ekki eftir því.“

Þá segir Grímur að lög­reglan komi til með að óska eftir áfram­hald­andi gæslu­varð­haldi yfir hinum mann­inum, Thomas Møller Olsen, fyrir klukkan 16:00 í dag en þá rennur út sá tveggja vikna gæslu­varð­halds­úr­skurður sem lög­regl­unni var gef­inn af Hér­aðs­dómi Reykja­ness og síðar stað­festur af Hæsta­rétti Íslands. Hvað Nikolaj varðar segir Grímur að ekki sé við öðru búist en að hann komi til með að bera vitni í mál­inu þegar að því kemur.

Ertu far­inn að sjá fyrir end­ann á þess­ari rann­sókn?

„Rann­sóknin er enn í fullum gangi og miðar ágæt­lega en ég held að við komum til með að klára hana innan þeirra tíma­marka sem okkur eru sett,“ segir Grímur. Samkvæmt upp­lýs­ingum sem Stundin hefur um rann­sókn saka­mála og útgáfu ákæru hefur lög­reglan tólf vikur.

Hringdi látlaust í íslenska vinkonu

Líkt og Stundin greindi frá þá reyndi Nikolaj Olsen ítrekað að ná sam­bandi við íslenska vin­konu sína aðfara­nótt laug­ar­dags­ins 14. jan­úar. Sum þeirra áttu sér stað á sama tíma og talið er að Birna hafi verið í rauða Kia Rio-bíla­leigu­bílnum.

„Hann reyndi að hringja í mig níu sinnum þessa nótt og síð­asta sím­talið var klukkan 11:55 á laug­ar­deg­inum. Þetta voru allt sím­töl í gegnum Facebook. Ég vakna þarna rétt eftir hádegi á laug­ar­deg­inum og segi honum að ég hafi verið með kærasta mínum og hafi ekki getað svarað honum. Ég tal­aði við hann í gegnum Snapchat. Hann sendi mér strax til baka og sagði að hann væri þunnur. Ég spurði hann hvort það væri ekki allt í lagi, þar sem hann hafi hringt svo oft. Hann sagði að allt væri í lagi og að þeir myndu vænt­an­lega sigla frá höfn þarna síðar um kvöldið. Við spjöll­uðum aðeins lengur saman og það var ekk­ert í sam­skiptum okkar sem mér fannst eitt­hvað skrítið eða und­ar­legt,“ sagði íslenska vin­kona Nikolaj sem Stundin ræddi við á dög­unum.

Var að jafna sig eftir áfengisneysluna

Eftir að Polar Nanoq var nefndur í fjöl­miðlum í tengslum við hvarf Birnu Brjáns­dóttur náði María ekki sam­bandi við Nikolaj. „Þegar málið kemur síðan í fjöl­miðla og það er tengt við þennan tog­ara þá fer ég að reyna að hafa sam­band við Nikolaj og ég næ því ekki. Ég og önnur vin­kona hans förum að ræða þetta og þá sýnir hún mér mynd af Thomasi og þá næ ég að bera kennsl á hann. Að þetta sé sá sem kom og hitti Nikolaj þetta kvöld,“ sagði vin­kona Nikolaj sem loks­ins náði sam­bandi við Nikolaj á þriðju­deg­inum 17. jan­úar.

„Það var síðan þriðju­dags­kvöldið sem að ég sendi honum skila­boð og nokkrum mín­útum seinna fékk ég svar. Ég sendi Nikolaj á Facebook og spurði hann hvort hann væri búinn að jafna sig á þynn­kunni. Hann sagð­ist vera góður, á veiðum en á leið til Íslands. Þá sagði hann að það væru vand­ræði með þráð­lausa netið um borð. Ég spurði hann að því hvort hann hefði kom­ist heilu og höldnu um borð í togar­ann þetta kvöld. Ég fékk ekk­ert svar. Meira veit ég ekki um málið.“

Tímaröðin í máli Birnu Brjánsdóttur

05:25 - Rauði Kia Rio-bíla­leigu­bíll­inn sést við Laugaveg 31. Honum er síðan ekið niður Ing­ólfs­stræti. Þar hverfur hann úr mynda­vélum norðan Hverf­is­götu. Lög­reglan telur að Birna hafið farið upp í bíl­inn örstuttu eftir að hann sést við Laugaveg 31.

05:50 - Mastur greinir síma Birnu við Flata­hraun.

05:53 - Rauð bif­reið sést á örygg­is­mynda­vél við áhalda­hús Golf­klúbbs Kópavogs- og Garða­bæjar. Lögreglu grunar að það sé sami bíll. Nokkrum mín­útum síðar er slökkt á síma Birnu. Lög­reglan getur ekki stað­fest að slökkt hafi verið á honum hand­virkt.

06:10 -  Rauður Kia Rio sést keyra inn á hafn­ar­svæðið við Hafn­ar­fjarð­ar­höfn. Skip­verjarnir tveir sem eru í haldi lög­reglu stíga út úr bílnum. Thomas Moller Olsen er undir stýri en Nikolaj er far­þegi. Þeir ræða saman í örstutta stund, kannski eina til tvær mín­útur, og síðan gengur Nikolaj um borð. Thomas Moller sest undir stýri og ekur á brott, vestur eftir hafn­ar­bakk­anum. Samkvæmt upp­lýs­ingum Stund­ar­innar sést rauða Kia Rio-bif­reiðin rápa um svæðið áður en honum er ekið burt. Talið er að bif­reiðin sé á hafn­ar­svæð­inu í rúmar tutt­ugu mín­útur.

Skór Birnu fund­ust um það bil 300 metra frá þeim stað þar sem Polar Nanoq lá við höfn. Engar örygg­is­mynda­vélar sýna það svæði en lög­reglan telur að annar mann­anna hafi ekið þangað og verið þar í rúmar 25 mín­útur.

Þá hefur lög­regla biðlað til öku­manna sem eru með upp­töku­vélar í bif­reiðum sínum að skoða hvort rauði Kia Rio-bíla­leigu­bíll­inn sjá­ist í mynd milli klukkan 07:00 og 11:30 laug­ar­dags­morg­un­inn 14. jan­úar.

Birna fannst við Sel­vogs­vita en nú reynir lög­reglan að kort­leggja ferðir bif­reið­ar­innar frá því hún stöðvast við Hafn­ar­fjarð­ar­höfn rétt eftir klukkan sex, laug­ar­dags­morg­un­inn 14. jan­úar. Samkvæmt frétta­flutn­ingi sást annar mað­ur­inn ganga um borð í togar­ann en hinn ók á brott. Þá hefur lög­reglan greint frá því að ummerki á bíla­leigu­bílnum gefa til kynna að honum hafi verið ekið um grýttan veg.