Kristín Þór­halls­dóttir stendur fyrir tann­hvíttun á allt að 12 ára börnum í gegnum fyr­ir­tæki sitt Stjörnu­bros. Krístín er í raun algjör­lega ómenntuð til að sinna slíkri aðgerð, en sam­kvæmt kynn­ingu sem birt­ist á vef­síð­unni krom.is nýverið er hún með „diploma í fag­inu frá Bristol í Bret­landi.“ Þegar betur er að gáð kemur í ljós að diplóman er frá Fuss Beauty School. Bæði Kristín Heim­is­dóttir, for­maður Tann­lækna­fé­lags Íslands, og Ásta Ósk­ars­dóttir, vara­for­maður sama félags, gera alvar­legar athuga­semdir við þessa aðgerð Krist­ínar. Aðgerðin getur skemmt fyrir lífs­tíð ómót­aðar tennur barna.

Stundin villti á sér heim­ildir og þótt­ist vera for­eldri ferm­ing­ar­barns sem vildi koma í tann­hvíttun. Það var ekk­ert mál að sögn Krist­ínar. Í seinna sam­tali við Stundina segir Kristín að hún hafi fram­kvæmt tann­hvítt­unn þrisvar sinnum á börnum undir sextán ára aldri. „Ég er ekki að gera slæma hluti. Ég er bara föst á ein­hverju gráu svæði út af ein­hverjum lögum og reglum,“ segir Kristín. Stjörnu­bros hefur ítrekað verið aug­lýst hjá aha.is og fann Stundin minnst sjö til­vik þar sem tíma­bundin til­boð voru í boði á vef­síð­unni.