Ekki allt sem sýnist í Costco

Nærri lætur að við­skipta­vinur sem kaupir hálfan lítra af vanillu­dropum hjá Costco geti búið til úr þeim 1.420 pönnu­kökur. Drop­arnir renna út á um það bil fjórum árum en til að klára flösk­una innan þess tímara­mma þyrfti pönnu­köku­unn­andi að borða eina pönnu­köku dag­lega næstu fjögur árin. Hann gæti lagað tæp­lega 100 upp­skriftir. Stundin hefur greint hvort það borgi sig að kaupa algengar neyslu­vörur í magn­pakkn­ingum í Costco, eða í minni ein­ingum í íslenskum versl­unum. Allur gangur er þar á. Sumar vörur eru jafn­vel dýr­ari í Costco en í smærri ein­ingum í Bónus eða Krónunni. Í sumum til­fellum felst þó all­mik­ill sparn­aður í því að kaupa vöru í stóru upp­lagi í Costco, að því gefnu að kaup­and­anum tak­ist að klára vör­una áður en hún rennur út.