„Mér finnst boðs­ferðir til blaða- og frétta­manna útaf fyrir sig vera í lagi ef það er alveg skýrt að sá sem þiggur slíka boðs­ferð gerir það á eigin for­sendum og það sé gagn­kvæmur skiln­ingur á því að sam­hliða boðs­ferð­inni sé engin krafa eða yfir­lýs­ing um að við­kom­andi nýti ferð­ina til frétta­öfl­unar,“ segir Þorbjörn Þórð­ar­son, lög­fræð­ingur og frétta­maður hjá 365 miðlum, í sam­tali við Stundina. Þorbjörn er einn þeirra frétta­manna sem þáði boðs­ferð á vegum WOW air til Washington um helg­ina og Stundin fjall­aði um í gær. 

„Ég hef þegið boðs­ferðir frá Evr­ópu­sam­band­inu til Brussel, eins og full­trúar frá öllum öðrum fjöl­miðlum á Íslandi. Það var skiln­ingur bæði Evr­ópu­sam­bands­ins og þeirra blaða­manna sem voru í þeirri ferð að það var engin kvöð á frétta­mönnum sem tóku þátt í ferð­inni að fjalla um Evr­ópu­sam­bandið, heldur var þetta upp­lýs­inga- og fræðslu­ferð,“ segir hann enn­fremur. 

Staðreyndir máls og almannahagsmunir

Þorbjörn bendir á að allir vand­virkir fjöl­miðla­menn geri sér grein fyrir skyldum sínum, sem liggi ann­ars vegar hjá stað­reyndum máls og hins vegar almanna­hags­munum. Hann hefur ekki áhyggjur af því að það skaði trú­verð­ug­leika hans sem frétta­manns að þiggja boðs­ferðir af þessu tagi. „Ég held að allir sem hafi fylgst með mínum skrifum í gegnum árin viti nákvæm­lega hvað ég get og hvað ég stend fyrir sem blaða- og frétta­maður. Þeir vita að ég er ein­göngu að hugsa um almanna­hags­muni í mínum störfum og að fjalla rétt um stað­reyndir máls. Ég mun ekki láta þessa ferð hafa nein áhrif á það hvernig ég skrifa um BWI eða WOW air, líkt og ég lét ekki boðs­ferð til Brussel hafa áhrif á það hvernig ég skrifa um Evr­ópu­sam­bandið.“

Þorbjörn seg­ist ekki gera grein­ar­mun á boðs­ferðum á vegum einka­fyr­ir­tækja eða alþjóða­stofn­ana. „Ég geri engan grein­ar­mun á boðs­ferðum sem eru fjár­magn­aðar af öðrum en fjöl­miðlum,“ segir hann. 

„Ég tel að það séu nákvæm­lega sömu sið­ferð­is­legu álita­mál uppi þegar ferð frétta­manns erlendis er kostuð af ein­hverjum öðrum en vinnu­veit­enda hans, hvort sem um alþjóða­stofnun eða annað fyr­ir­tæki er að ræða. Það eru nákvæm­lega sömu hug­renn­inga­tengsl sem eiga sér stað ef við ræðum þetta út frá sjón­ar­miðum sjálfs­rit­skoð­unar eða ein­hvers konar sál­rænna áhrifa á þann sem þiggur slíka ferð.“

„Ég lagði til að frétta­menn færu ekki í ferðir nema þær væru fjár­magn­aðar af fyr­ir­tæk­inu sjálfu.“

Íslenskir fjölmiðlar undirfjármagnaðir

Eftir að Stundin fjall­aði um boðs­ferð­ina til Washington í gær seg­ist Þorbjörn hafa nefnt það á fundi inn­an­húss að 365 miðlar tæku í gildi reglur um boð­ferðir eða myndu jafn­vel hætta að þiggja slíkar ferðir. „Ég lagði til að frétta­menn færu ekki í ferðir nema