Menn standa nán­ast á önd­inni, já, Peking-önd­inni, yfir því verð­falli sem orðið hefur á mörk­uðum víða um heim í kjöl­far „hruns­ins“ á Sjanghæ-hluta­bréfa­mark­aðnum und­an­farna daga. 24.ágúst 2015 er nú kall­aður „svarti mánu­dag­ur­inn“. Ótta­slegnir grein­endur og allskyns sér­fræð­ingar reyna að graf­ast fyrir um orsakir þess sem er að ger­ast og einn þeirra sagði á CNBC að um gríð­ar­lega „leið­rétt­ingu“ væri að ræða og nú væri mikil sál­fræði í gangi. Þetta er gjarnan sagt þegar svona hlutir ger­ast. Af hverju ræða menn þá ekki við sál­fræð­inga? Sagt er að fjár­festar þjá­ist af „áhættu­fælni“ sem á manna­máli þýðir að þá skorti fífldirfsku. Þetta hrun í Sjanghæ er talið geta haft víð­tæk áhrif og haldi minnk­andi umsvif í Kína áfram er það mat sér­fræð­inga að það geti haft alvar­leg áhrif, jafnt fyrir hrá­vöru­selj­endur í Afríku og eða véla og tækja­fram­leið­endur í Evrópu.

Leiðréttingin

Orðið leið­rétt­ing (sem land­inn ætti að kann­ast vel við) felur í sér að það sé verið að rétta eitt­hvað af sem er vit­laust eða rangt, ein­hverjar skekkjur. Dagblöð birta til dæmis leið­rétt­ingar hafi þau farið með eitt­hvað vit­laust. Samkvæmt því sem þessi sér­fræð­ingur sagði, þá hlýtur íslenska hrunið að hafa verið ein stærsta „leið­rétt­ing“ Íslands­sög­unnar. Loft­bólur og blöðrur eru blásnar upp, hjarð­hegðun ríkir og síðan springur allt framan í menn. Það er leið­rétt­ingin, eða eins og segir á ensku „what goes up, must come down“.

Tveggja tölu hagvöxtur liðin tíð

Nokkuð borð­leggj­andi er að tími tveggja talna hag­vaxtar í Kína er lið­inn.