Með andlit sín afmynduð af sársauka syrgðu ættingjar tvö börn sem létust í loftárásum Ísraelsmanna á Gaza í nótt. Þeir beygðu sig yfir litlu líkamsleifarnar sem lágu á gangstéttinni, vafin í lök, þar af eitt sem var rauðlitað af blóði.
Í Nuseirat-flóttamannabúðunum fyrir miðri Gazaströndinni leituðu Palestínumenn í morgun í rústum húss sem hafði verið jafnað við jörðu í loftárás og reyndu að bjarga því litla sem eftir stóð.
„Við borðuðum kvöldmat og settumst niður, og svo var eins og dómsdagur væri runninn upp. Allar þessar steinhrúgur féllu ofan á okkur,“ sagði Muneer Mayman við AFP í morgun og benti á hrúgu af steinsteypu og múrsteinum þar sem hann hafði grafist undir.
„Við lágum þarna í meira en tvo tíma á meðan þeir voru að moka rústunum af okkur.“
Fyrir aftan hann unnu menn og börn við að fara í gegnum rústirnar. Þau drógu …
Gyðingar trúa því að guðinn hafi gefið meintum forföður þeirra, Abraham, landið umfram aðra menn. Afkomendur hans voru reyndar aðeins stuttan tíma í Ísrael, ca 3 kynslóðir áður en þeir fluttust til Egyptalands og gerðust síðar þrælar Egypta, svo þeir hafa í mesta lagi búið á nokkrum hekturum í Ísrael.
Löngu síðar, eftir að guðinn hafði drepið alla frumburði Egypta í einni af plágunum sem hann framkallaði, leyfði Faraó, forystumaður Egypta, gyðingunum að fara til baka, en sá svo eftir því og var her Egypta drekkt í hafinu af guðinum sem hafði áður þurrkað einhverskonar götu í gegnum mitt hafið og látið það steypast yfir þá þegar þeir veittu gyðingunum eftirför. Þegar "heim" var komið gerðu gyðingarnir svo tilkall til landsins síns og fóru með hernaði gegn íbúum þess og kepptust við að uppræta þá sem tilheyrðu ekki söfnuðinum, kannski ekki alls ólíkt og í dag.
Það er þó merkilegt að einu boðorðinu virðast Ísraelar gleyma, eða boðorðinu: Þú skalt ekki mann deyða - en það er kannski ekki skrítið því guðinn átti í mestu erfiðleikum með að fara eftir því sjálfur - samkvæmt biblíunni.