Eigandi Árvakurs, útgáfu­fé­lags Morg­un­blaðs­ins, hefur tapað tæp­lega 700 millj­ónum króna á síð­ast­liðnum tveimur árum. Hlutafé félags­ins, sem var rúm­lega 1.600 millj­ónir króna í lok árs í fyrra, hefur nú verið fært niður um einn millj­arð króna og stendur nú í rúm­lega 600 millj­ónum króna. Þetta kemur fram í nýbirtum árs­reikn­ingi eig­anda Árvakurs, Þórs­merkur ehf., en honum var skilað til árs­reikn­inga­skrár Rík­is­skatt­stjóra þann 30. ágúst síð­ast­lið­inn. 

Stærstu eig­endur Þórs­merkur eru félagið Rames II ehf., sem er í eigu Eyþórs Arnarlds og voru hluta­bréf þess áður í eigu Samherja; Íslenskar sjáv­ar­af­urðir sem er í eigu FISK Seafood, dótt­ur­fé­lags Kaup­fé­lags Skag­firð­inga; Hlynur A. ehf. og Ísfélag Vest­manna­eyja sem eru í eigu Guð­bjargar Matth­í­as­dóttur að mestu leyti; útgerð­ar­fé­lagið Rammi á Siglu­firði og Þingey ehf., félag útgerð­ar­innar Skinn­eyjar á Höfn í Horna­firði. 

Kaupfélagið jók við sig 

Þrátt fyrir tap­rekstur lið­inna ára var hlutafé Þórs­merkur ehf. aukið um 200 millj­ónir króna í fyrra og var það …