Tveggja ára verkefni um eflingu fjármálalæsis féll milli skips og bryggju hjá stjórnvöldum árið 2016. Í fjármálaáætlun ríkisstjórnarinnar er „lélegt fjármálalæsi hjá almenningi“ talið ein af helstu áskorunum sem stjórnvöld standa frammi fyrir á sviði fjölskyldumála, en lítið hefur verið tilkynnt um aðgerðir í málaflokknum.

Samkvæmt minnisblaði frá mennta- og menningarmálaráðuneytinu frá október 2016 stóð til að verja 20 milljónum króna til verkefnis um eflingu fjármálalæsis. Skipa átti verkefnishóp með tilnefningum frá menntastofnunum, samtökum og aðilum úr stjórnkerfinu. Til stóð að ráða sem verkefnisstjóra Breka Karlsson, núverandi formann Neytendasamtakanna, sem þá fór fyrir Stofnun um fjármálalæsi. Starfsemi stofnunarinnar hefur legið í dvala síðan Breki hóf störf hjá Neytendasamtökunum síðasta haust, en hún sinnti þorra rannsókna og framleiðslu kynningarefnis í málaflokknum. Stofnunin er rekin fyrir sjálfsaflafé og var Arion banki helsti styrktaraðili hennar um sjö ára skeið.

„Ég mun …