Nalin Chaturvedi, ind­verskur rík­is­borg­ari sem kvæntur er íslenskri konu, seg­ist hafa átt í nei­kvæðum sam­skiptum við sýslu­mann og Útlend­inga­stofnun í ferl­inu við að gift­ast og fá dval­ar­leyfi. Óttast hann að kerfið geti svipt marga sem bíða eftir dval­ar­leyfi rétt­indum þeirra og valdið ein­angrun.

Nalin og kona hans, Gabriella Unnur Krist­jáns­dóttir lög­fræð­ingur, kynnt­ust í Edinborg í Skotlandi árið 2017 þar sem þau voru bæði við nám. „Við ákváðum að gifta okkur á Íslandi enda fjöl­skylda konu minnar hér og við vildum vera umkringd vinum og fjöl­skyldu á slíkum merk­is­degi,“ segir Nalin. „Það má segja að bar­áttan við kerfið hafi byrjað strax þá.“

Þau lögðu inn umsókn um gift­ingu til sýslu­manns og í fram­hald­inu óskaði emb­ættið eftir gögnum frá þeim, meðal ann­ars hjú­skap­ar­stöðu­vott­orði, sem sann­aði að Nalin væri ekki kvæntur fyrir. „Þegar ég skil­aði inn öllum til­skildum papp­írum fékk ég hins vegar þau svör frá sýslu­manni að hjú­skap­ar­stöðu­vott­orðið mitt væri ekki gilt …