Ungir jafn­að­ar­menn báðu Ágúst Ólaf Ágústs­son, þing­mann Sam­fylk­ing­ar­innar, um að segja alfarið af sér þing­mennsku í jan­úar síð­ast­liðnum vegna ósæmi­legrar hegð­unar hans gagn­vart blaða­konu. Ung­liða­hreyf­ingin upp­lýsir um þetta á Facebook í ljósi end­ur­komu Ágústs á þing. 

„Það er krafa Ungra jafn­að­ar­manna að allir kjörnir full­trúar þjóð­ar­innar hagi sér af betri hátt­semi en hefur fengið að líð­ast. Breyt­ingar þurfa að eiga sér stað í stjórn­mála­menn­ing­unni,“ segir í yfir­lýs­ingu Ungra jafn­að­ar­manna. 

Ágúst Ólafur tók sæti á Alþingi á dög­unum eftir nokk­urra mán­aða leyfi. Sagðist hann hafa horfst í augu við van­mátt sinn gagn­vart áfengi og óska eftir öðru tæki­færi.

Sema Erla Serdar, fyrr­ver­andi for­maður fram­kvæmda­stjórnar Sam­fylk­ing­ar­innar, gagn­rýnir for­ystu flokks­ins harð­lega fyrir að taka ekki harð­ari afstöðu gegn kyn­ferð­is­legri áreitni:

„Ég hef verið í Sam­fylk­ing­unni í meira en ára­tug og gegnt hinum ýmsu ábyrgð­ar­stöðum fyrir flokk­inn, meðal ann­ars stöðu for­manns fram­kvæmda­stjórnar flokks­ins. Mér hefur oft mis­boðið með­virknin og vinnu­brögðin innan flokks­ins en sjaldan jafn mikið og nú. Að taka ekki skýra afstöðu gegn kyn­ferð­is­legri áreitni og ofbeldi í öllum til­vikum er hræsni,“ skrifar Sema.

„Ég er viss um að það myndi heyr­ast hærra í flokks­fé­lögum mínum ef þing­maður ann­ars flokks gerð­ist sekur um kyn­ferð­is­lega áreitni og sæti sem fast­ast á þingi. Hvað Ágúst Ólaf varðar getur hann beðið um annað tæki­færi í próf­kjöri flokks­ins og/eða hjá kjós­endum í næstu kosn­ingum. Sam­fé­lags­miðlar duga bara ekki til.“