Þessi grein birtist upphaflega í Stundinni fyrir meira en 6 árum.

Tónlistarkeppni unga fólksins, draumkennt leikrit og framsækin hönnun

Tón­leik­ar, sýn­ing­ar, og við­burð­ir 22. mars til 4. apríl.

Tónlistarkeppni unga fólksins, draumkennt leikrit og framsækin hönnun

Þetta og svo ótal margt fleira er á döfinni næstu tvær vikurnar.

Jónsmessunæturdraumur

Hvar? Þjóðleikhúsið
Hvenær?  Til 3. maí
Aðgangseyrir: Frá 3.000 kr.

Í þessu súra gamanleikriti Shakespeares mætast draumur og veruleiki, ímyndunarafl, erótík og spenna. Leikritið er í nýrri þýðingu Þórarins Eldjárns, en auk eldri kanóna á borð við Pálma Gestsson, Ólafíu Hrönn Jónsdóttur og Sigurð Sigurjónsson fara nokkrir nýútskrifaðir leikarar með sum aðalhlutverkin. Boðið verður upp á umræður á eftir sýningunni 30. mars.

Núna norrænt

Hvar? Hafnarhús
Hvenær? 23. mars–26. maí
Aðgangseyrir: 1.800 kr.

Þessi sýning er skipuð hópi hönnuða frá fimm Norðurlandaþjóðum. Á henni er til sýnis nútíma „norræn“ hönnun, en hún er gjarnan tengd við látlausan einfaldleika, augljóst notagildi og náttúruleg efni. Sýningin miðar að því að sýna sameiginlega eiginleika og andstæða þætti í samtímahönnun. Það er sérstök sýningaropnun 23. mars kl. 15.00.

Bára Gísladóttir & Skúli Sverrisson

Hvar? Mengi
Hvenær? 23. mars kl. 21.00
Aðgangseyrir: 2.500 kr.

Margrómaða tónskáldið og kontrabassaleikarinn Bára Gísladóttir kemur fram með bassaleikaranum og tónskáldinu Skúla Sverrissyni á innilegum tónleikum í Mengi. Þau hafa áður komið fram saman, meðal annars á Airwaves í fyrra, en þau fengu mikið lof fyrir þá tónleika, sem voru spunnir á staðnum.

HönnunarMars

Hvar? Víðs vegar um höfuðborgarsvæðið
Hvenær? 28.–31. mars
Aðgangseyrir: Fer eftir viðburði

HönnunarMars hefur verið fastur liður í vordagskrá Reykjavíkur, en þar eru gjarnan um hundrað sýningar, stakir viðburðir, ráðstefnur og tískusýningar á víð og dreif um borgina. Meðal annars bjóða sendiherrar hönnuðum og samlöndum sínum í sendiráð sín til að taka þátt í opnu samtali við íslenska kollega, Hrossavinafélagið teiknar ketti á Kattakaffihúsinu og rýmisgreind vandræðaleikans er rannsökuð í gegnum miðil fatahönnunar.

Yasujiro Ozu kvikmyndadagar

Hvar? Bíó Paradís
Hvenær? 28.–31. mars
Aðgangseyrir: 800 kr.

Yasujiro Ozu er einn af ástkærustu kvikmyndagerðarmönnum Japans, en hann hóf feril sinn áður en hljóð fylgdi kvikmyndum. Fjórar myndir hans verða til sýnis, en Ozu var þekktur fyrir að nýta sér „mono no aware“ við gerð kvikmynda sinna en þetta fagurfræðilega japanska hugtak lýsir hinum óblendnu tilfinningum gagnvart fegurð náttúrunnar, hverfulleika lífsins sem og sorginni sem fylgir dauðanum.

Músíktilraunir 

Hvar? Harpa
Hvenær? 30. mars–6. apríl
Aðgangseyrir: frá 1.500 kr.

Tónlistarkeppni unga fólksins, Músíktilraunir, er haldin í ár í lok mars. Í keppninni kemur fram aragrúi af ungu og upprennandi tónlistarfólki sem er að taka sín fyrstu skref á sviðinu, en þessi keppni hefur fært okkur sveitir eins og Between Mountains, Hórmóna, Mammút, Mínus, Of Monsters and Men og Samaris. Hátíðin hefur verið haldin árlega frá árinu 1982.

Eddie Izzard: Wunderbar

Hvar? Harpa
Hvenær? 31. mars kl. 20.00
Aðgangseyrir: frá 6.990 kr.

Breski uppistandarinn Eddie Izzard hefur verið virkur í tæpa fjóra áratugi og hefur komið víða við á þeim tíma, meðal annars  á Íslandi 1995, 2005 og 2015. Meðal umfjöllunarefna á sýningunni Wunderbar er hans súrrealíska sýn á heiminn, ástin, saga mannkyns og hans eigin „kenning um alheiminn“. Tekið er sérstaklega fram að sýningin er ekki við hæfi nasista.

Grúska Babúska & MIMRA 

Hvar? Gaukurinn
Hvenær? 3. apríl 
Aðgangseyrir: 1.000 kr.

Tilraunakennda rafþjóðlagahljómsveitin Grúska Babúska gaf út plötuna Tor síðastliðinn september, en platan er innblásin af enskum miðaldasögum og goðsögnum eins og um Artúr konung. Með þeim spilar MIMRA, sem er hliðarsjálf Maríu Magnúsdóttur, en hún spilar drungalega og dáleiðandi þjóðlagatónlist sem notast bæði við rafræn og órafmögnuð hljóðfæri.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stundarskráin

Mest lesið

Júlía Margrét Alexandersdóttir
2
Það sem ég hef lært

Júlía Margrét Alexandersdóttir

Ekki hlusta á allt sem heil­inn seg­ir þér

Júlía Mar­grét Al­ex­and­ers­dótt­ir hef­ur lif­að með geð­hvörf­um í 15 ár. Hún hef­ur kljáðst við dekksta lit þung­lynd­is og fund­ið fyr­ir und­ur­vellíð­an í man­íu. Í ferl­inu hef­ur Júlía lært að stund­um á hvorki hjart­að né heil­inn at­kvæð­is­rétt. „Stund­um eru það annarra manna heil­ar og annarra manna hjörtu sem vita best.“

Mest lesið

Mest lesið í vikunni

Mest lesið í mánuðinum

Sælukot hagnast um tugi milljóna en starfsfólk og foreldrar lýsa skorti
4
Rannsókn

Sælu­kot hagn­ast um tugi millj­óna en starfs­fólk og for­eldr­ar lýsa skorti

Einka­rekni leik­skól­inn Sælu­kot, sem hef­ur feng­ið millj­arð króna í op­in­ber fram­lög síð­asta ára­tug, hef­ur hagn­ast vel og nýtt pen­ing­ana til að kaupa fast­eign­ir fyr­ir stjórn­ar­for­mann­inn. Stjórn­end­ur leik­skól­ans segja mark­mið­ið vera að ávaxta rekstr­araf­gang, en fyrr­ver­andi starfs­menn og for­eldr­ar nem­enda kvarta und­an langvar­andi skorti. Skól­an­um var ný­lega lok­að tíma­bund­ið vegna óþrifn­að­ar og mein­dýra.
Hollt mataræði lykilatriði að góðri heilsu
6
Fréttir

Hollt mataræði lyk­il­at­riði að góðri heilsu

Ax­el F. Sig­urðs­son, sér­fræð­ing­ur í hjarta­lækn­ing­um, hef­ur skoð­að tengsl fæðu og lífs­stíls við sjúk­dóma, einkum hjarta- og æða­sjúk­dóma. Tal­að hef­ur ver­ið um að lífs­stíls­sjúk­dóm­ar séu stærsta ógn­in við heilsu fólks og heil­brigðis­kerfi til næstu ára­tuga. Ax­el seg­ir að fólk geti breytt miklu með hollu mataræði og hreyf­ingu. Fé­lags­leg tengsl séu líka mik­il­væg. Hann ráð­legg­ur hreina fæðu til að sporna við kvill­um.

Mest lesið í mánuðinum

Nýtt efni

Mest lesið undanfarið ár