Baðstaður veldur klofningi í Önundarfirði

alla Signý Krist­jáns­dóttir, fyrr­ver­andi þing­maður Fram­sókn­ar­flokks, segir stað­setn­ingu fyr­ir­hug­aðs bað­staðar í Önund­ar­firði „skelfi­lega og skað­lega“.

Halla Signý gerir meðal ann­ars athuga­semdir við hug­mynd­ina vegna fugla­lífs á svæð­inu eins og margir fleiri aðilar hafa gert í umsagn­ar­ferli verk­efn­is­ins. Hverf­is­ráðs Önund­ar­fjarðar hefur hins vegar fagnað hug­mynd­inni, svo fram­ar­lega sem umhverfi stað­ar­ins verði áfram óbreytt úti­vist­ar­svæði, enda bjóði verk­efnið upp á meiri afþr­ey­ingu fyrir ferða­menn og heima­menn.

Bað­stað­ur­inn yrði kall­aður Hvít­i­s­andur og á að rísa í Holts­fjöru í Önund­ar­firði í landi Þóru­staða. Þar er nú flug­braut á vegum Isavia, í miðju æðar­fugla­varpi, sem ekki er lengur í notkun. „Í dag er Holts­fjara vin­sæl til úti­vistar en þar eru hvítir sandar í stór­brotnu umhverfi,“ segir í upp­lýs­ingum um til­lög­una á Skipu­lags­gátt.

„Áætlað er að nýta núver­andi aðkomu­veg að Holts­bryggju sem aðkomu að bað­staðnum og nýta gömlu mal­bik­uðu flug­braut­ina fyrir aðkomu og bíla­stæði. Núver­andi vega­slóði frá flug­braut­ar­enda niður í gamla sand­námu í Holts­fjöru verði nýttur sem aðkoma gesta frá bíla­stæð­inu að böð­unum. Sjálf böðin eru áformuð í gam­alli sand­námu sem þarna er í fjör­unni.“

Fyr­ir­huguð stað­setn­ing bað­lónsBaðlónið yrði við Holts­bryggju þar sem hvítur sandur prýðir Holts­fjöru.

Í til­lög­unni kemur fram að mann­virki vegna bað­anna verði að mestu leyti bundin við svæði sem nú þegar hefur verið raskað vegna flug­vall­ar­ins og námunnar. Ekki er til deiliskipu­lag fyrir svæðið og breyta þarf aðal­skipu­lagi Ísa­fjarð­ar­bæjar til þess að breyt­ing­arnar verði að veru­leika. „Þá er áfram miðað við að almenn­ingur hafi aðgang að fjör­unni og þar verði opin sturtu­að­staða fyrir öll sem vilja baða sig í sjónum, hér eftir sem áður, án þess að fara í böðin.“

Heild­ar­kostn­aður við fram­kvæmd­ina verður 1,5 millj­arður króna og mun rekst­ur­inn skapa 20 árs­verk, að því fram kemur í umfjöllun Bæjarins besta.

Spyr hvort baðlón þurfi alls staðar

Halla Signý hefur búið í Holti í Önund­ar­firði, stein­snar frá Holts­fjöru, og er verk­efna­stjóri hjá Fræðslu­mið­stöð Vest­fjarða. Upp­runa­lega er hún frá Brekku á Ingalds­sandi yst í firð­inum.

Hún skrifar grein í hér­aðs­mið­il­inn Bæjarins besta þar sem hún mót­mælir hug­mynd­inni. „Nú er svo komið að það þarf að vera bað­lón hring­inn í kringum landið, helst svo mörg að ferða­menn nái ekki að láta hárið þorna á milli lóna,“ skrifar Halla Signý. „Gott og vel, bað­lón eru ágætis við­bót, mörg fal­leg, þrifa­leg og bjóða upp á góða en auð­vitað dýra þjón­ustu en við þurfum að spyrja okkur, er það sem okkur vantar, alls staðar?“

Halla Signý Krist­jáns­dóttirFyrr­ver­andi þing­maður segir svæðið eiga sér merka sögu.

Mynd: Alþingi

Hún bendir á líf­legt fugla- og dýra­líf á svæð­inu og það að lík­lega megi telja um 4000 hreiður á þeim sex jörðum sem æðar­rækt­inni er sinnt við fjörð­inn. Æðarvörp séu frið­lýst þrjá mán­uði á ári. „Áætlað bað­lón kúrir fyrir miðju svæði þar sem fjórar jarðir sinna æðar­rækt,“ skrifar Halla Signý. „90% af æðar­dúni sem nýttur er í heim­inum kemur frá Íslandi enda hefur æðar­fugl­inn notið friðar hér frá árinu 1786 og alfrið­aður á Íslandi frá árinu 1847. Fuglinn hefur notið mik­illar virð­ingar hér á landi frá upp­hafi byggðar.“

Þá skrifar hún að Gull­ströndin, eins og ströndin við Holts­fjöru er stundum kölluð, eigi sér merka sögu. „Gull­ströndin er, fyrir fólkið í firð­inum, ímynd kyrrðar og feg­urðar, hvernig ætlum við að verð­meta það? Við það mat er hægt að líta til friðlands­ins Horn­stranda. Líklega er eng­inn sem vill ganga til baka með þá ákvörðun að nýta og njóta þeirra eins og þær eru, því í nátt­úr­unni sjálfri er auð­ur­inn fólg­inn. Hún yrði ekki mögnuð upp þótt þar risi millj­arða afþrey­ing því fólkið er að sækja í nákvæm­lega það sem þar er að finna. Sama á við um Holts­fjör­una.“

„Glimr­andi og dýr afþrey­ing en því miður er stað­setn­ingin skelfi­leg, já og skað­leg“

Loks segir hún að heild­ar­myndin hafi ekki verið skoðuð og ekki allar breytur teknar inn í mynd­ina. „Hug­myndin að bað­lóni er komin á blað, á meðan hún var í háloft­unum, var þetta fal­leg bygg­ing, ágæt hug­mynd, glimr­andi og dýr afþrey­ing en því miður er stað­setn­ingin skelfi­leg, já og skað­leg.“

Tillit tekið til athugasemda

Runólfur Ágústs­son, fram­kvæmda­stjóri Hvíta­sands ehf. sem stendur að verk­efn­inu, segir í svari við grein Höllu Signýjar að ekki sé um bað­lón að ræða, eins og þing­maður fyrr­ver­andi lýsti verk­efn­inu. Til standi að á svæð­inu verði „gufu­böð, heitur pottur og set­laug sem starf­rækja á yfir sum­ar­tím­ann og er á stærð við þokka­legt ein­býl­is­hús að grunn­fleti,“ skrifar Runólfur.