Í alda­gam­alli goða­fræði frá ýmsum heims­hornum má finna frá­sagnir af sál­ar­lausum verum í manns­mynd sem voru búnar til sem þjónar okkar úr dauðu efni á borð við stein, leir eða málm. Heim­ildir frá ell­eftu öld herma að Kín­verjar hafi þá þegar verið byrj­aði að prófa sig áfram með að smíða nákvæmar eft­ir­lík­ingar af mann­verum sem knúnar voru áfram af ein­hvers konar gang­verki. Sjö hund­ruð árum áður hafði heim­spek­ing­ur­inn Aristóteles spáð því að einn dag myndi tæknin gera mönnum kleift að útrýma þræla­haldi með því að byggja vél­menni.

Slíkar upfinn­ingar voru lengst af dægradvöl eða í besta falli til­rauna­starf­semi á vegum kónga­fólks sem lét smíða alls kyns flókin gang­verk sem gátu meðal ann­ars látið ridd­ara­brynjur hreyfast og ganga um. Það var síðan um alda­mótin 1900 sem serbneski vís­inda­mað­ur­inn og lífskúnstner­inn Nikola Tesla not­aði fyrstur manna útvarps­bylgjur til að stýra bátum og voru gerðar margar til­raunir með upp­finn­ingar hans í fyrri heims­styrj­öld­inni. …