Stjórn­endur WOW air báru upp hug­myndir síð­ustu helgi um rík­is­á­byrgð á lána­fyr­ir­greiðslu frá Arion banka til að tryggja rekstur félags­ins til skemmri tíma. Mark­að­ur­inn greinir frá, en ósenni­legt er talið að stjórn­völd ljái máls á hug­mynd­unum.

Fjár­hags­staða WOW air er þröng, sam­kvæmt heim­ildum Mark­að­ar­ins, og við­ræður um kaup Indigo Partners á flug­fé­lag­inu eru tví­sýnni en áður. WOW air hefur til 29. apríl til að ganga frá samn­ingum, að því gefnu að skulda­bréfa­eig­endur sem fjár­festu í útboði WOW air fyrir and­virði 7,9 millj­arðar króna síð­asta haust fall­ist á afskriftir af höf­uð­stól bréf­anna. Hafa einnig verið óform­legar þreif­ingar við Icelandair um aðkomu að mál­inu.

Loks herma heim­ildir Mark­að­ar­ins að WOW air þurfi öllum stundum að hafa eina vél úr flota félags­ins til­tæka á Kefla­vík­ur­flug­velli. Er það trygg­ing vegna skulda WOW air við Isavia og getur Isavia þannig kyrr­sett vél­ina ef skuld­irnar eru ekki gerðar upp.