Tæp 56 pró­sent aðspurðra segj­ast vera mjög eða frekar sam­mála fyr­ir­hug­uðum verk­falls­að­gerðum Eflingar, VR, Verka­lýðs­fé­lags Akraness og Verka­lýðs­fé­lags Grinda­víkur. Tæpur þriðj­ungur aðspurðra er and­vígur.

Þetta kemur fram í könnun Zenter fyrir Frétta­blaðið sem fram­kvæmd var 28. febr­úar og 1. mars. Alls svar­aði 1.441 úr könn­un­ar­hópnum, allt fólk eldra en 18 ára, og voru svörin viktuð eftir aldri, kyni og búsetu.

Félögin fjögur hafa til­kynnt um fyr­ir­hug­aðar verk­falls­að­gerðir eftir að kjara­við­ræður við Samtök atvinnu­lífs­ins sigldu í strand fyrir skemmstu. „Ég átti allt eins von á verri nið­ur­stöðu miðað við hve hörð og óvægin orð­ræðan hefur verið og fram­setn­ingin á til­lögum okkar,“ segir Ragnar Þór Ing­ólfs­son, for­maður VR, um nið­ur­stöður könn­un­ar­innar.

Minnstur stuðn­ingur við verk­föllin er hjá kjós­endum Sjálf­stæð­is­flokks­ins, en aðeins um fimmt­ungur þeirra styður aðgerð­irnar. Næst­minnstur stuðn­ingur er hjá Fram­sóknar- og Við­reisn­ar­fólki, en um 60 pró­sent kjós­enda Vinstri grænna styðja aðgerð­irnar. Hjá þeim sem kjósa Flokk fólks­ins, Sam­fylk­ing­una eða Pírata mælist stuðn­ing­ur­inn 70-80 pró­sent.

„Miðað við hvað kjara­mál hafa fengið mikið pláss í umræð­unni að und­an­förnu kemur mér á óvart að það sé ekki meiri stuðn­ingur við verk­föll en þarna birt­ist. Sér í lagi þar sem flestir gera ráð fyrir að það séu ein­hverjir aðrir en þeir sjálfir sem fari í verk­föll,“ segir Halldór Benjamín Þor­bergs­son, fram­kvæmda­stjóri SA, um könn­un­ina. „Verkföll í kóln­andi hag­kerfi, loðnu­bresti og þegar flug­fé­lögin eru í kröppum dansi er mikið hættu­spil með óljósa útkomu.“