Shamima Begum ólst upp í Bethnal Green í austurhluta Lundúna og átti að sögn ósköp venjulega barnæsku. Hún var 15 ára gömul þegar móðir hennar lést af völdum krabbameins árið 2014 en fjölskyldan hélt veikindunum lengi leyndum fyrir Shamimu. Áfallið var því bæði þungt og skyndilegt. Shamima tók strax miklum breytingum eftir andlátið, að sögn ættingja. Hún byrjaði að skrópa í skólanum, vanrækja námið og verja löngum stundum á netinu en hvarf um leið af samfélagsmiðlum.

Það eina sem Shamima erfði eftir móður sína voru gömlu skartgripirnir hennar. Einn kaldan morgun í desember fór hún með skartið til veðmangara sem lét hana hafa rúmlega þúsund pund. Shamima keypti sér flugmiða (aðra leið) til Istanbúl í Tyrklandi og var degi seinna komin yfir landamærin til Sýrlands þar sem hún gaf sig á vald hryðjuverkasamtakanna sem kenna sig við íslamskt ríki. Hún sendi föður sínum bréf þar sem hún sagðist ætla að …