Evrópuþingið samþykkir 90 prósent minnkun losunar

ESB hefur þegar dregið úr losun um 37 pró­sent miðað við árið 1990 og stefnir nú að 90 pró­sent minnkun.

Loftmengun
Loft­mengun Stór hluti kolefn­islos­unar Íslend­inga kemur frá sam­göngum. Mynd: Golli

Evr­ópu­þingið sam­þykkti í gær mark­mið Evr­ópu­sam­bands­ins um minnkun kolefn­islos­unar fyrir árið 2040 og studdi þar með í stórum dráttum þá vanda­sömu mála­miðlun sem aðild­ar­ríkin náðu í síð­ustu viku.

Þingmenn í Brussel greiddu atkvæði með 379 gegn 248 og sam­þykktu 90 pró­senta sam­drátt í losun gróð­ur­húsa­loft­teg­unda miðað við árið 1990 – sem er lyk­ilá­fangi á leið 27 ríkja sam­bands­ins að kolefn­is­hlut­leysi um miðja öld­ina.

Í sam­ræmi við það sem umhverf­is­ráð­herrar ESB sam­þykktu eftir mara­þon­við­ræður í síð­ustu viku, skildu þeir þó eftir svig­rúm fyrir breyt­ingar og bættu við ýmsum íviln­unum sem umhverf­is­sinnar hafa gagn­rýnt harð­lega.

„Þetta lofts­lags­mark­mið er 90 pró­senta sam­dráttur í kolefn­is­mengun á papp­írnum ein­göngu og fullt af svo mörgum glu­fum og fyr­ir­vörum að það mun lík­lega skila mun minni árangri,“ sagði Eva Corral, bar­áttu­kona Greenpeace ESB í lofts­lags­málum.

Frá og með árinu 2036 verður leyfi­legt að alþjóð­legar kolefn­is­ein­ingar telji með allt að fimm pró­sentum af 2040-mark­mið­inu, að sögn þings­ins, sem gæti dregið úr hlut­falli sam­dráttar inn­an­lands.

Þingmenn studdu að fresta um eitt ár, til 2028, inn­leið­ingu á við­skipta­kerfi með los­un­ar­heim­ildir fyrir elds­neyt­is­brennslu í bygg­ingum og vega­sam­göngum, þekkt sem ETS2 – kerfi sem Norð­ur­löndin styðja en Pólland og Ung­verja­land eru andsnúin.

Þeir sögðu einnig að fram­kvæmda­stjórn Evr­ópu­sam­bands­ins ætti að meta fram­vindu í átt að los­un­ar­mark­mið­inu á tveggja ára fresti og leggja til breyt­ingar ef nauð­syn krefur, þar á meðal á mark­mið­inu sjálfu.

Þingið þarf nú að semja við aðild­ar­ríkin um end­an­lega útgáfu text­ans.

ESB er á eftir Kína, Banda­ríkj­unum og Indlandi hvað varðar losun, en hefur verið gengið lengst af stóru meng­un­ar­völd­unum í skuld­bind­ingu til aðgerða í lofts­lags­málum. ESB hefur þegar dregið úr losun um 37 pró­sent miðað við árið 1990.

Ísland stefnir að því að minnka „sam­fé­lags­losun“ um 41% fyrir lok þessa ára­tugar, miðað við árið 2005, eftir leið­rétt­ingu umhverf­is­ráð­herra á mark­miði Íslands gagn­vart Par­ís­ar­sam­komu­lag­inu, en áður hafði verið miðað við 55% minnkun fyrir mis­skiln­ing.

Kjósa
5
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár