Banki í Lúx­em­borg er skráður sem næst­stærsti hlut­hafi íslenska lax­eld­is­fyr­ir­tæk­is­ins Arnarlax með rúm­lega 14,5 pró­senta eign­ar­hlut. Ekki er hægt að sjá í árs­reikn­ingum Arnarlax hvaða fjár­festar eru á bak við þennan eign­ar­hlut bank­ans, Clearstream Banking S.A. Um er að ræða hlutafé sem ein­hverjir fjár­festar eiga í gegnum við­skipta­manna­reikn­ing hjá umræddum banka en ekki er ljóst hverjir þetta eru. Þetta kemur fram í árs­reikn­ingi norska eign­ar­halds­fé­lags­ins Arnarlax AS, móð­ur­fé­lags Arnarlax á Íslandi, sem er stærsta lax­eld­is­fyr­ir­tæki lands­ins. 

Clearstream Banking kom inn í hlut­hafa­hóp Arnarlax árið 2017 þegar hlutafé fyr­ir­tæk­is­ins var aukið um 65 millj­ónir norskra króna, eða rúm­lega 900 millj­ónir íslenskra króna, fór úr tæp­lega 167 millj­ónum og upp í tæp­lega 233 millj­ónir norskra króna. Lúx­em­borgski bank­inn var ekki skráður fyrir neinu hlutafé í Arn­ar­laxi árið áður. Skráning lúx­em­borgska bank­ans á hlutafé í lax­eld­is­fyr­ir­tæk­inu íslenska er því vænt­an­lega aðferð til að búa þannig um hnút­ana að ekki sé ljóst hver …