Hæsti­réttur hefur fellt úr gildi úrskurð manna­nafna­nefndar um eig­in­nafnið Zoe. Barátta stúlku fæddrar í októ­ber 2015 heldur þó áfram, þar sem hæsti­réttur var ekki til­bú­inn að við­ur­kenna að hún megi bera nafnið.

Forsaga máls­ins er sú að manna­nafna­nefnd hafði hafnað nafn­inu Zoe á þeim for­sendum að bók­staf­ur­inn Z sé ekki not­aður í íslenskri staf­setn­ingu. Nefndin lagði ekki mat á það í úrskurði sínum hvort aðrir þættir kæmu í veg fyrir að nafnið Zoe yrði sam­þykkt.

For­eldrar stúlkunnar höfð­uðu mál í hennar nafni, en hér­aðs­dómur Reykja­víkur hafn­aði kröfum þeirra í októ­ber í fyrra. Málinu var áfrýjað til hæsta­réttar sem varð við kröfu þeirra um að úrskurð­ur­inn falli úr gildi, þar sem notkun Z er heimil í til­viki erlendra eig­in­nafna.

Var það nið­ur­staða hæsta­réttar að manna­nafna­nefnd hafi ekki tekið afstöðu til nafns­ins að öðru leyti og lík­lega mun nafnið því fara aftur fyrir nefnd­ina. Íslenska ríkið var jafn­framt dæmt til að greiða 1 og hálfa milljón króna í máls­kostnað.