Sig­mundur Davíð Gunn­laugs­son segir að ekk­ert sem sagt hafi verið um hann í póli­tík hafi sært hann eins mikið og þau orð Lilju Alfreðs­dóttur að hann væri ofbeld­is­maður.

Lilja, sem kölluð var „hel­vítis tík“, sem hægt væri að „ríða“, í sam­tali Mið­flokks­mann­anna Sig­mundar Davíðs, Gunnars Braga Sveins­sonar og Bergþórs Ólasonar, þar sem Sig­mundur sagði að henni væri ekki treystandi og að hún „spil­aði á karl­menn eins og kona kann“, vegna þess að hún hafði ekki sam­band við Mið­flokks­menn til að „tengj­ast við þá“, kom fram í við­tali við Kast­ljósið í gær­kvöldi og sagð­ist upp­lifa þá sem ofbeld­is­menn, sem ættu ekki að hafa dag­skrár­vald.

„Lilja er vinur minn,“ segir Sig­mundur Davíð í dag, „og það sem hefur reynst mér erf­ið­ast við þau mál sem hafa verið til umræðu að und­an­förnu var að særa vini mína. Ég skil því vel reiði Lilju.“

Þá seg­ist Sig­mundur hafa særst mikið við þessa lýs­ingu Lilju. „Ég hef verið kall­aður fleiri ljótum nöfnum en ég hef tölu á. Ég minn­ist þess hins vegar ekki að hafa áður verið kall­aður ofbeld­is­maður. Ekkert sem um mig hefur verið sagt í póli­tík hefur sært mig eins mikið.“

Hann segir sér þykja erf­ið­ast við Klaustur-málið hafi verið að hafa sært hana. „Ég skil því vel reiði Lilju.“

Segir samhengið hafa riðlast

Þetta kemur fram í færslu sem Sig­mundur Davíð birtir á Facebook-síðu sinni. Þar heldur Sig­mundur því fram að heild­ar­mynd og sam­hengi umræð­unnar sem átti sér stað á Klaustri Bar hafi riðl­ast sökum þess að bútar hafi verið klipptir úr upp­tök­unni og birtir. Hann hafi farið mörgum fögrum orðum um Lilju, kallað hana frá­bæra og þeir sem réðu málum í Fram­sókn­ar­flokknum létu hana ekki njóta sann­mælis. Rétt er að geta þess að við þetta kann­ast blaða­menn sem hlustað hafa á upp­tök­urnar ekki, en þó er ekki allt sam­talið grein­an­legt. Vel heyr­ist hins vegar þegar Gunnar Bragi Sveins­son hrópar: „Hjólum í hel­vítis tík­ina!“

Sig­mundur segir líka að honum þyki leitt að sjá Lilju halda því fram að hann hafi ekki haft sam­band við hana eftir að greint var frá því hvernig talað var um hana. „Ég sendi henni skeyti með afsök­un­ar­beiðni til að reyna að koma á sam­skiptum. Þegar ekki barst svar við því bað ég aðra mann­eskju að láta hana vita hvernig mér liði vegna þess sem gerst hefði og að mig lang­aði að hitta hana. Hún afþakk­aði það boð að sinni.“

Segist ekki hafa notað ljót orð

Sig­mundur seg­ist aðeins hafa sagt að Lilju væri ekki treystandi póli­tískt og hann gæti sjálfum sér kenntu um að hafa skipað hana að Fram­sókn­ar­flokk­ur­inn hafi með því fengið líf­línu. Hann hafi ekki haft ljót orð um hana og sagði það miður að hann hefði ekki atyrt menn fyrir að nota ljót orð um Lilju. Fyrir það skammist hann sín.

Rétt er að benda á að Sig­mundur tók undir atyrði sessu­nauta sinna í garð Lilju. Þá sagði hann meðal ann­ars, eftir að þeir Gunnar Bragi Sveins­son og Bergþór Ólason höfðu lýst því yfir að hægt væri að „ríða“ henni: „Ég er mjög ánægður að heyra að þið séuð komnir að sam­eig­in­legri nið­ur­stöðu með þetta.“ Einnig sagði Sig­mundur að Lilja not­aði kyn­þokk­ann og „hún spilar á karl­menn eins og kven­fólk kann.“