Á hverju ári sprettur upp ógrynni af fjöl­skyldu­vænum við­burðum í kringum hátíð­arnar, allt frá jóla­mörk­uðum til jólatón­leika. Því mælum við á Stund­inni sér­stak­lega með því að les­endur líti við á Ing­ólfs­torgi þar sem auk jóla­bása er hægt að kíkja á skauta­svell í boði Nova alla daga til jóla. Einnig hefur árlegi jóla­mark­að­ur­inn í Heiðmörk og Jóla­þorpið í Hafn­ar­firði snúið aftur, en þau eru bæði opin allar helgar til jóla.

Hatari, Andrea Jónsdóttir

Hvar? Dillon
Hvenær? 7. des­em­ber kl. 22.00
Aðgangs­eyrir: 3.000 kr.

Í aðdrag­anda fögn­uðar sam­ein­ing­ar­tákns allra Íslend­inga, neyslu­hyggj­unnar, eru til fáar hljóm­sveitir sem fanga stemn­ing­una jafn vel og Hatari. Þessi gjörn­inga­sveit afhjúpar botn­lausa tóm­hyggju sam­fé­lags­ins og hræsni ráða­manna okkar með til­þrifa­miklum og raf­mögn­uðum pönk­tónum sem eru fluttir af þrí­menn­ingum í fas­ista-BDSM-bún­ingum. Andrea Jóns­dóttir þeytir skífum að loknum tón­leik­unum.

Jóla Drag-Súgur

Hvar? Gauk­ur­inn
Hvenær? 7. des­em­ber kl. 21.00
Aðgangs­eyrir: 2.500 kr.

Dragdrottn­ing­arnar (og kon­ung­arnir) í kab­ar­ett­hópnum Drag-Súgur fagna jól­unum snemma með sér­stakri sýn­ingu þar sem þemað er ljótar jóla­peysur. Búast má við gríni og glensi, metn­að­ar­fullum til­þrifum sem RPDR mætti taka sér til fyr­ir­myndar, og gor­djöss dans- og söng­at­riðum.

Jólin tala tungum: Filippeyskt jólaföndur og leiðsögn

Hvar? Kjar­vals­staðir
Hvenær? 8. des­em­ber kl. 13.00–15.00
Aðgangs­eyrir: Ókeypis!

Haldin verður sér­stök fjöl­skyldu­leið­sögn á sýn­ingu Kjarvals, … líf­gjafi stórra vona, bæði á íslensku og fil­ip­p­eysku. Að henni lok­inni er gestum boðið upp á jóla­smiðju fyrir fjöl­skyldur með fil­ippseysku jóla­föndri. Eftir smiðj­una mun Múltík­últík­ór­inn – fjöl­þjóð­legur söng­hópur kvenna syngja jóla­lög á nokkrum tungu­málum, þar á meðal fil­ip­p­eysku og íslensku. Börn og full­orðnir eru hvattir til að taka þátt í söngnum.

Jólaföndur: Gamalt verður nýtt

Hvar? Norræna húsið
Hvenær? 8. des­em­ber kl. 13.00–15.00
Aðgangs­eyrir: Ókeypis!

Fyrir nokkrum árum vakn­aði áhugi Mál­fríðar Finn­boga­dóttur á því að vinna úr afskrif­uðu efni sem féll til frá bóka­safni og úr varð sýn­ing sem fór víða um land. Nú býr hún gjarnan til jóla­skraut úr afskrif­uðu efni og kennir gestum Norræna hús­ins hvernig má gera slíkt þennan dag. Við­burð­ur­inn er opinn öllum frá 7 ára aldri.

Elísabet Brynhildardóttir & Selma Hreggviðsdóttir: Desiring Solid Things

Hvar? Kling & Bang
Hvenær? 8. des.–20. jan.
Aðgangs­eyrir: Ókeypis!

Á sýn­ing­unni beina lista­menn­irnir sjónum að þránni, löng­un­inni og þeim flóknu til­finn­ingum sem mann­eskjan hefur til hlut­ar­ins og efn­is­ins. Elísabet og Selma hafa um langt skeið unnið saman bæði að sýn­ingum, útgáfum og öðrum mynd­list­ar­tengdum verk­efnum. Sérstakt opn­un­ar­hóf verður haldið 8. des kl. 17.00.

dj. flugvél og geimskip

Hvar? Mengi
Hvenær? 8. des­em­ber kl. 20.00
Aðgangs­eyrir: 2.000 kr.

Dj. flug­vél og geim­skip er hlið­ar­sjálf lista­kon­unnar Stein­unnar Eld­flaugar, en í því hlut­verki flytur Steinunn lög um töfróttan raun­veru­leika þar sem viti bornar skepnur eiga flókið til­finn­inga­líf. Bæði hinn ytri geimur og hafs­botn fær­ast nær í lögum hennar, en þar að auki mæt­ast fjar­læg for­tíð og furðu­leg fram­tíð á tón­leikum hennar.

Ævintýrið um Augastein

Hvar? Tjarn­ar­bíó
Hvenær? 9.–23. des­em­ber
Aðgangs­eyrir: 2.900 kr.

Þetta jóla­æv­in­týri fyrir alla fjöl­skyld­una hefur verið sýnt reglu­lega í kringum aðvent­una, en leik­ritið byggir á sög­unum um svein­staul­ana þrettán, syni Grýlu og Leppalúða. Nú eru það jóla­svein­arnir sem reyna að bjarga drengnum Auga­steini úr klóm Grýlu og jólakatt­ar­ins áður en jólin ganga í garð.

Svartir Sunnudagar: Koyaanisqatsi

Hvar? Bíó Paradís
Hvenær? 9. des­em­ber kl. 20.00
Aðgangs­eyrir: 1.600 kr.

Koyaanisqatsi er fyrsta myndin í qatsi-þrí­leik hans Godfrey Reggio, en hún er mynd án sögu­þráðar og tals sem sam­anstendur af mynd­skeiðum sem sýna hraða nútíma­sam­fé­lags­ins, fjölda­fram­leiðsl­una, meng­un­ina og eyði­legg­ingu nátt­úr­unnar sem neysla manns­ins hefur skapað. Draum­kennda tón­list Philip Glass leiðir áhorf­endur í gegnum þessi mögn­uðu en oft átak­an­legu mynd­skeið.

D35 Leifur Ýmir Eyjólfsson: Handrit

Hvar? Hafn­ar­hús
Hvenær? Til 27. jan­úar
Aðgangs­eyrir: 1.650 kr.

Leifur Ýmir setur fram hand­rit sem er hand­skrifað og inn­brennt á rúm­lega 250 leir­plötur sem stillt er upp um alla sýn­ing­ar­veggi rým­is­ins. Á hverri plötu standa ein­faldar setn­ingar eða orð, en Leifur hefur sér­stakt dálæti á því sem kemur dags dag­lega fyrir í sam­skiptum á milli fólks án þess að því fylgi sér­stök merk­ing. 

Útgáfutónleikar Röggu Holm

Hvar? Húrra
Hvenær? 12. des­em­ber
Aðgangs­eyrir: 2.000 kr.

Ragga Holm varð fyrst þjóð­þekkt þegar hún gekk til liðs við Reykja­vík­ur­dætur og rapp­aði við lagið „Reppa heim­inn“. Síðan þá hefur hún komið víða við, en hún gaf nýverið út plöt­una Bipolar sem Ragga segir að sé samin í geð­hvörfum og rokkar á milli oflætis, þung­lyndis og ást­ar­sorgar. Platan er til­nefnd til Kraum­verð­launa.

Prins Jóló

Hvar? Gamla bíó
Hvenær? 15. des­em­ber kl. 20.00
Aðgangs­eyrir: 3.990 kr.

Á þessum sér­stöku jólatón­leikum umbreyt­ist Prins Póló í Prins Jóló er hann kemur fram með hljóm­sveit og góð­kunn­ingjum sínum. Saman ætla þau að leika skástu lög Prinsins í hátíð­legum útgáfum og dusta rykið af nokkrum þol­an­legum jóla­lögum úr eigin smiðju.

Jólatónleikar Sinfóníuhljómsveitar Íslands

Hvar? Harpa
Hvenær? 15. & 16. des­em­ber kl. 14.00 & 16.00
Aðgangs­eyrir: Frá 2.700 kr.

Á þessum hátíð­legu fjöl­skyldu­tón­leikum Sin­fón­íu­hljóm­sveitar Íslands verður skyggnst inn í íslensku bað­stof­una þar sem gömlu jóla­svein­arnir og jóla­kött­ur­inn hafa hreiðrað um sig. Einnig verður jólatón­list Jórunnar Viðar í for­grunni en tón­skáldið hefði fagnað 100 ára afmæli á þessu ári.

Ólafur Arnalds

Hvar? Harpa
Hvenær? 18. des­em­ber kl. 20.00
Aðgangs­eyrir: Frá 8.990 kr.

Ólafur gaf nýverið út plöt­una re:mem­ber sem hefur víðs vegar hlotið lof, en Ólafur er meðal fremstu nýklass­ísku tón­skáldum Norð­ur­landa og var eitt af aðal­at­riðum Airwaves-hátíð­ar­innar í ár. Á tón­leik­unum, sem eru fyrstu tón­leikar Ólafs á Íslandi í þrjú ár, kemur lista­mað­ur­inn fram með mennskri hljóm­sveit og tveimur sjálf­spilandi píanóum.

Umbra: Sólhvörf

Hvar? Háteigs­kirkja
Hvenær? 20. des­em­ber kl. 20.00
Aðgangs­eyrir: 3.000 kr.

Umbra hefur nú um ára­bil sér­hæft sig í flutn­ingi fornrar og nýrrar tón­listar og í þeirri list að vekja forn þjóð­lög eða gleymda lag­boða til lífs­ins. Hópurinn mun halda árlega jólatón­leika sína í Laug­ar­nes­kirkju, en á efn­is­skránni verða meðal ann­ars sjald­heyrð jóla­lög frá mið­öldum, íslensk og erlend, og eru öll lög í útsetn­ingum Umbru.