„Pólsk yfir­völd vilja refsa hverjum þeim sem þau telja vega að heiðri lands­ins. Vandinn er sá að það er ekk­ert að finna um „heiður“ ríkja eða þjóða í rétt­ar­fars­reglum. Heiður Argent­ínu eða heiður Íslands er ekki til. Heiður Póllands, hvað þýðir það eig­in­lega?“ Þannig spyr Martín Granov­sky, rit­stjóri helg­ar­út­gáfu argent­ínska fjöl­mið­ils­ins Página/12, sem brá í brún þegar hann las um það í öðrum fjöl­miðlum, í mars síð­ast­liðnum, að blað­inu hans hefði verið stefnt fyrir að móðga heiður Póllands. „Í fyrsta lagi, þá er þetta auð­vitað skýrt brot á tján­ing­ar­frels­inu, en í annan stað þá ná lög Póllands auð­vitað ekki yfir fjöl­miðla í Argent­ínu,“ segir Granov­sky í sam­tali við Stundina.

Blaða­manni brugðiðFederico Pavlov­sky, höf­undi grein­ar­innar sem vakti svo hörð við­brögð frá stuðn­ings­mönnum Laga- og rétt­læt­is­flokks­ins, var nokkuð brugðið.

Það vakti nýverið athygli þegar sendi­herra Póllands á Íslandi, Gerard Pokruszynski, brást við frétta­flutn­ingi Stund­ar­innar …