„Það hefur engin gugga teymt mig meira á asnaeyrunum en hún sem ég hef ekki fengið að ríða“

„Það hefur engin gugga teygt mig meira á asna­eyr­unum en hún sem ég hef ekki fengið að ríða.“

Þetta sagði Bergþór Ólason, þing­maður Mið­flokks­ins, við félaga sína, Gunnar Braga Sveins­son og Sigmund Davíð Gunn­laugs­son, á Klaustri bar þann 20. nóv­em­ber síð­ast­lið­inn.

Stundin hefur undir höndum upp­töku af sam­skipt­unum, en þing­menn­irnir voru háværir og vakti hegðun þeirra athygli.

Ekki er ljóst til hvaða konu orð Bergþórs vísa. Á svip­uðum stað í sam­tal­inu heyr­ist Gunnar Bragi kalla stjórn­mála­konu „hel­vítis tík“, en einnig er óljóst um hverja hann er að tala. Á þessum tíma kvölds­ins höfðu Anna Kolbrún Árna­dóttir, þing­kona Mið­flokks­ins, og Ólafur Ísleifs­son og Karl Gauti Hjalta­son, þing­menn Flokks fólks­ins, yfir­gefið sam­kund­una.

Stundin fjall­aði með ítar­legum hætti um þá kven­fyr­ir­litn­ingu sem birt­ist í sam­skiptum þing­mann­anna í gær­kvöldi. Athygli vakti að Bergþór Ólason mætti ekki til vinnu í morgun og var fjar­ver­andi á fundi umhverfis- og sam­göngu­nefndar.

Í fréttum Stund­ar­innar í gær kom meðal ann­ars fram að Bergþór hefði kallað Ingu Sæland, for­mann Flokks fólks­ins, „húrr­andi klikk­aða kuntu“ auk þess sem þing­menn­irnir hefðu gant­ast með að það væri eðli­legt að kona sem væri ekki jafn „hot“ og áður yrði látin gjalda fyrir það í próf­kjörum. „Það fellur hratt á hana,“ sagði Bergþór um stjórn­mála­konu.

Þingmenn Mið­flokks­ins birtu yfir­lýs­ingu á Facebook áðan þar sem þeir biðj­ast „ein­læg­legrar afsök­unar“ á „ónær­gætnum orðum“. Þeir segja að það hafi ekki verið ætl­unin að meiða neinn. „Ljóst má vera að sá talsmáti sem þarna var á köflum við­hafður er óaf­sak­an­legur. Við ein­setjum okkur að læra af þessu og munum leit­ast við að sýna kurt­eisi og virð­ingu fyrir sam­ferð­ar­fólki okkar. Jafn­framt biðjum við flokks­menn Mið­flokks­ins og fjöl­skyldur okkar afsök­unar á að hafa gengið fram með þessum hætti.“