Þingmenn úthúðuðu stjórnmálakonum: „Hún er miklu minna hot í ár“

Þingmenn Mið­flokks­ins fara hörðum orðum um kven­kyns stjórn­mála­menn á upp­töku sem Stundin hefur undir höndum og gant­ast með að stjórn­mála­kona hljóti að „hrynja niður“ próf­kjörs­lista vegna þess að hún sé ekki jafn „hot“ og áður. 

Sig­mundur Davíð Gunn­laugs­son, Gunnar Bragi Sveins­son, Bergþór Ólason og Anna Kolbrún Árna­dóttir ræddu málin á Klaustri Bar þann 20. nóv­em­ber síð­ast­lið­inn ásamt Karli Gauta Hjalta­syni og Ólafi Ísleifs­syni, þing­mönnum Flokks fólks­ins. Orða­skiptin voru mjög hávær, áttu sér stað í vitna við­ur­vist og náð­ust að hluta á upp­töku. Þar er meðal ann­ars rætt um útlit stjórn­mála­kvenna, gáfna­far og and­lega eig­in­leika.

„Það fellur hratt á hana“

Á einum tíma­punkti töl­uðu þing­menn­irnir um hvernig næsta próf­kjör hjá Sjálf­stæð­is­flokknum í til­teknu kjör­dæmi geti farið.

Gunnar Bragi: „Ég held reyndar að [...] geti verið hel­víti öflug. Hún er hel­víti sæt stelpa.“

Sigmunur Davíð: „Þetta er svona móment, ung kona, ungt fólk í Sjálf­stæð­is­flokknum, lyftum henni.“

Bergþór: „Nú ætla ég að segja eitt sem er nátt­úru­lega mjög dóna­legt, en það fellur hratt á hana. Hún er miklu minna hot í ár en hún var bara fyrir tveimur árum síðan. Það er ótrú­legur munur.“

Sig­mundur Davíð: „Og á þeim for­sendum segi ég að hún hrynji niður list­ann.“

Bergþór: „Eðlilega.“ 

Á þessu augna­bliki skaut Anna Kolbrún inn: „Viljiði velta fyrir ykkur, ef þetta væri karl?“ og við tóku háreysti og hlátra­sköll karl­anna.

Sprelluðu með að Silja Dögg væri „cunt“

Stundin hefur þegar fjallað um orð Bergþórs sem hann lét falla um Ingu Sæland, for­mann Flokks fólks­ins, þetta kvöld, en hann kall­aði hana „húrr­andi klikk­aða kuntu“ þegar hann reyndi að sann­færa þing­menn­ina Karl Gauta Hjalta­son og Ólaf Ísleifs­son um að yfir­gefa Flokk fólks­ins og ganga í Mið­flokk­inn.

„Þið ráðið ekk­ert við hana. Segið mér ef ég hef rangt fyrir mér. Ég mundi ekki ráða við hana, Sig­mundur mundi ekki, hún er fokk­ing tryllt,“ sagði Bergþór. Sig­mundur Davíð tók undir, hló að orðum Bergþórs um að Inga Sæland væri kunta og sagði að Bergþór hefði „alltaf rétt fyrir sér“.

Á öðrum stað í upp­tök­unni gant­ast þing­menn­irnir með staf­ina UNT og til hvaða konu megi vísa með því að setja staf­inn C þar fyrir framan svo úr verði „cunt“. Hlógu þeir að því að cunt-orðið lýsti best Silju Dögg Gunn­ars­dóttur, þing­konu Fram­sókn­ar­flokks­ins. Bergþór sagði að hún væri „ótraust kona“ og Anna Kolbrún sagði hana „hættu­lega“. Vert er að nefna í þessu sam­hengi að Silja Dögg var í hópi þeirra fram­sókn­ar­manna sem töldu Sigmundi Davíð ekki sætt á for­manns­stóli eftir umfjöllun um Panama­skjölin árið 2016.

„Kræf kerfiskerling“ og „algjör apaköttur“

„En ég get sagt þér heilagan sann­leika,“ sagði Anna Kolbrún á einum stað í upp­tök­unni. „Strákar eru les­blindir eða bleslindir, hvernig sem þið viljið orða það, stelpur eru að meiri­hlut­anum talna­blindar.“

„Er það þess vegna sem þær vita ekki hjá hvað mörgum þeir sofa hjá,“ svar­aði Gunnar Bragi.

„Þarna kom skýr­ing,“ sagði Bergþór.

„Ég held að þetta sé rétt,“ bætti Sig­mundur Davíð við.

Á upp­tök­unni kall­aði Gunnar Bragi einnig Unni Brá Kon­ráðs­dóttur, fyrr­ver­andi þing­mann Sjálf­stæð­is­flokks­ins „kræfa kerfiskerl­ingu“.

Þá lét hann miður fal­leg orð falla um Oddnýju Harð­ar­dóttur, þing­mann Sam­fylk­ing­ar­innar, þegar Anna Kolbrún kom henni til varnar.

„Oddný er ekk­ert ágæt, hún er algjör apa­köttur. Hún veit ekki neitt, hún kann ekki neitt, hún getur ekki neitt,“ sagði Gunnar Bragi.

Beitti sér fyrir jafnrétti á alþjóðavísu

Í tíð sem utan­rík­is­ráð­herra beitti Gunnar Bragi sér fyrir He for She átak­inu um kynja­jafn­rétti. „Spurn­ingin sem ég legg til hér er nógu ein­föld: af hverju er íslenskum karl­mönnum annt um jafn­rétti?“ skrif­aði hann í grein í The Guardian, sem leik­konan Emma Watson vakti athygli á á alþjóða­vísu.

„Fyrir mér snýst málið um að það að ýta undir og verja jafn­rétti kynj­anna snú­ist um meira en aðgerðir stjórn­valda. Það krefst breyt­ingar í við­horfum og hegðun og það krefst þess að skað­legar staðalí­myndir um hvað við höldum að það þýði að vera karl eða kona séu brotnar niður. Hingað til hefur umræðan verið í höndum kvenna. En til þess að skapa var­an­legar breyt­ingar mega menn ekki vera fjar­ver­andi frá umræð­unni. Við karl­menn erum hluti af vanda­mál­inu, en einnig hluti af lausn­inni.“

Sagði konur ekki treysta sér í stjórnmál vegna persónuníðs

Sig­mundur Davíð sagði í Silfri Egils í októ­ber í fyrra að „taka verði á“ umræð­unni á Íslandi, þar sem konur treysti sér ekki í stjórn­mál vegna „per­sónu­legs níðs“ á stjórn­mála­mönnum.  „En það sem ég er að spá í sér­stak­lega, varð­andi stöðu kvenna í stjórn­málum, er áferð stjórn­n­mál­anna. Maður hefur tekið eftir því að fólk almennt, en kannski sér­stak­lega konur, hlut­falls­lega meira konur, eru ekki hrifnar af því hvernig stjórn­málin líta út. Og þar af leið­andi finnst þetta ekki freist­andi starfs­vett­vangur,“ sagði Sig­mundur.