Á undanförnum vikum hefur auglýsing frá matvöruversluninni Iceland í Bretlandi vakið mikla athygli á netinu. Auglýsingin er teiknimynd sem fjallar um órangútaninn Rang-tan sem heimsækir svefnherbergi lítillar stúlku á Bretlandi. Hún varpar ljósi á þá sorglegu staðreynd að órangútanar eru nærri útdauðir og má að miklu leyti rekja vanda þeirra til vinnslu á pálmaolíu á búsvæðum tegundarinnar.

 Auglýsingunni hefur verið dreift víða og hefur henni tekist ætlunarverk sitt, að vekja athygli á áhrifum pálmolíuræktunar á umhverfið. Umræðan hefur í kjölfarið að einhverju leyti snúið að því að sniðganga vörur sem innihalda olíuna. Niðurstöður skýrslu sem birtist fyrr á árinu benda þó til þess að það sé líklega ekki besta lausnin. Vandinn myndi aðeins færast annað. 

Pálmaolía í fjölda matvæla

Pálmaolía er jurtaolía sem unnin er úr aldinkjöti ávaxtar olíupálma. Olíuna er að finna í fjöldanum öllum af matvælum, til dæmis súkkulaði, ís, smjörlíki, hnetusmjöri og morgunkorni. Þau lönd sem framleiða …