Eini tal­meina­fræð­ingur lands­ins sem veitir börnum af pólskum upp­runa tal­þjálfun á eigin móð­ur­máli fær ekki starfs­rétt­indi á Íslandi. Þetta kemur fram í Frétta­blað­inu í dag.

Justyna Gott­hardt er skóla­stjóri Pólska skól­ans, en vel­ferð­ar­ráðu­neytið hefur stað­fest synjun Land­læknis á veit­ingu starfs­leyfis. Hún hefur nú kært ákvörð­un­ina til umboðs­manns Alþingis, en hún hefur sér­stakt leyfi frá pólskum stjórn­völdum til að veita þjón­ust­una.

 „Það ætti í raun­inni allt að vinna með mér,“ segir Justyna. Ég hef bæði rétta menntun, mikla starfs­reynslu í Póllandi og öll leyfi og rétt­indi frá pólskum yfir­völdum, Þar að auki er mjög mikil þörf fyrir þessa þjón­ustu hér á Íslandi.“

Justyna segir tal­þjálfun á móð­ur­mál­inu mjög mik­il­væga og sé und­istaða fyrir að börn geti lært annað tungu­mál, íslensku. „Ég hef fengið börn til mín sem eru í raun­inni alls ekki talandi vegna þess að þau hafa ekki fengið við­eig­andi aðstoð á pólsku en því betur sem börn­unum gengur með sitt eigið móð­ur­mál, því betur mun þeim ganga að læra íslensk­una,“ segir hún.

Segist Justyna reið yfir áhuga­leysi stjórn­valda á börnum af pólskum upp­runa. „Það er ekki bara ég í þessum vand­ræðum heldur skilst mér að aðrar starf­stéttir hafi líka lent í vand­ræðum með að fá starfs­rétt­indi sín við­ur­kennd hér,“ segir Justyna. Nefnir hún náms­ráð­gjafa, sál­fræð­inga og sjúkra­þjálf­ara til dæmis.

Í Frétta­blað­inu kemur fram að laga­frum­varp sé í und­ir­bún­ingi í mennta- og menn­ing­ar­mála­ráðu­neyt­inu um við­ur­kenn­ingu á menntun og hæfi til að starfa hér á landi. Lilja Alfreðs­dóttir ráð­herra segir að staða Justynu ætti að breyt­ast verði frum­varpið að lögum.