Lögreglan kannast ekki við fjögur sjálfsvíg á einum degi

Tíðni sjálfs­víga í ár er sú sama og í fyrra, sam­kvæmt þeim upp­lýs­ingum sem lög­reglan á höf­uð­borg­ar­svæð­inu hefur nú. Fullyrt var í vin­sælli grein í síð­ustu viku að fjórir karl­menn hefðu tekið eigið líf sama dag­inn.

Lög­reglan á höf­uð­borg­ar­svæð­inu kann­ast ekki við að fjórir karl­menn hafi svipt sig lífi sama dag­inn í októ­ber, eins og haldið hefur verið fram á net­inu. Tíðni sjálfs­víga virð­ist svipuð og í fyrra, sam­kvæmt þeim upp­lýs­ingum sem lög­reglan hefur.

Pistill eftir Hafdísi Björgu Krist­jáns­dóttur, einka­þjálf­ara og fit­ness­meist­ara, þar sem femín­ismi er tengdur við sjálfs­víg karl­manna, fór eins og eldur í sinu um inter­netið í síð­ustu viku. Hafdís sagð­ist hafa frétt af fjórum sjálfs­vígum ungra karl­manna mánu­dags­kvöldið 29. októ­ber. Einn þeirra hafi verið góður vinur hennar. Í sam­tali við Stundina í síð­ustu viku sagð­ist Hafdís telja að stór ástæða fyrir van­líðan ungra karl­manna sé orð­ræðan í sam­fé­lag­inu. Beindi hún spjótum sínum sér­stak­lega að femínistum.

„Á mánu­dags­kvöld­inu voru FJÖGUR sjálfs­víg sem að áttu sér stað, FJÖGUR sem að ég hef heyrt af. Þetta eina kvöld…. Og allt voru þetta karl­menn!“ skrif­aði Hafdís í grein­inni.

Hvorki emb­ætti land­læknis né lög­reglan á höf­uð­borg­ar­svæð­inu getur stað­fest full­yrð­ingu Hafdísar um fjölda sjálfs­víga. „Út frá okkar tölum passar þetta ekki, alla­vega ekki út frá þeim upp­lýs­ingum sem ég hef,“ segir Rannveig Þór­is­dóttir hjá lög­regl­unni á höf­uð­borg­ar­svæð­inu.

Rannveig bendir þó á að það taki nokkurn tíma að fá úr dán­ar­or­sökum skorið. Þær upp­lýs­ingar feng­ust einnig hjá emb­ætti land­læknis að of stuttur tími sé lið­inn frá umræddri dag­setn­ingu til að fá úr þessu skorið með upp­flett­ingu í dán­ar­meina­skrá.

„Fjögur sjálfs­víg á einum degi væri mjög mikið frá­vik frá venju­legri tíðni.“

„Samkvæmt nýj­ustu upp­lýs­ingum sem ég tók saman voru sextán sjálfs­víg á höf­uð­borg­ar­svæð­inu það sem af var ári,“ segir Rannveig. „Það er svip­aður fjöldi og á sama tíma­bili í fyrra. Þetta er það sem við vitum í dag. Fjögur sjálfs­víg á einum degi væri mjög mikið frá­vik frá venju­legri tíðni.“

Heyrði töluna frá aðstandendum

Hafdís Björg Krist­jáns­dóttir

Í sam­tali við Stundina segir Hafdís að hún hafi fengið upp­lýs­ing­arnar um sjálfs­víg fjög­urra karl­manna sama kvöld frá aðstand­endum vinar síns, sem lést í Reykja­vík umrætt kvöld. „Aðstand­endur fengu að heyra það frá lög­reglu­mönnum sem komu á stað­inn að þetta hefði verið eitt erf­ið­asta kvöldið sem hefur verið,“ segir Hafdís.

Grein Hafdísar vakti mikla athygli í síð­ustu viku og segir hún marga hafa haft sam­band við sig vegna hennar. „Ég fæ tölvu­pósta þar sem fólk opnar sig um hluti sem það hefur ekki þorað að segja,“ segir hún. „Sögur af því sem fólk hefur verið að upp­lifa. Mér finnst ég upp­lifa þetta í gegnum karl­menn­ina í kringum mig, en karl­menn hafa sent per­sónu­legar sögur. Og líka konur sem hafa varið eitt­hvað eða staðið með karl­mönnum.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

3
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár