Samn­ingur um sextán ára bann á veiðum innan Norður-Íshafins var sam­þykktur  mið­viku­dag­inn 3. októ­ber. Níu þjóðir, ásamt full­trúum Evr­ópu­sam­bands­ins, und­ir­rit­uðu sam­þykkt­ina á Græn­landi, þar á meðal Ísland. Þetta kemur fram á vef Stjórn­ar­ráðs­ins. 

Jóhann Sig­ur­jóns­son, sér­legur erind­reki mál­efna hafs­ins í utan­rík­is­ráðu­neyt­inu leiddi samn­inga­við­ræð­urnar af hálfu Íslands. „Óhætt er að tala hér um tíma­móta­samn­ing“ segir Jóhann í skrif­legu svari til Stund­ar­innar, en svæðið sem um ræðir er 2,8 milljón fer­kíló­metrar. 

„Ég held, líkt og oft­ast er um góða samn­inga, að hér hafi tek­ist að sætta tvö meg­in­sjón­ar­miðin, lang­tíma­sjón­ar­mið um nýt­ingu ann­ars vegar og vernd hins vegar.“

Jóhann vísar hér til ann­ars af höf­uð­á­kvæðum samn­ings­ins, að þjóð­irnar skuld­binda sig til þess að koma í gang vís­inda­legum rann­sóknum og eft­ir­liti á svæð­inu til að meta hvort eða hvernig hægt er að hefja sjálf­bærar fisk­veiðar. „Í öllum megin atriðum tókst okkur að halda til streitu stefnu Íslands um ábyrga, sjálf­bæra nýt­ingu fiski­stofn­anna á grund­velli þekk­ingar og nauð­syn­legrar var­úðar.“

„Það er alls óvíst hvernig aðstæður þró­ast og hvort komi til stór­tækra fisk­veiða í atvinnu­skyni á þessum slóðum í náinni fram­tíð.“ Jóhann segir, að þar spili margir þættir inn í eins og haf­straumar, mikið dýpi og ferskvatns­á­hrif í sjónum vegna bráðn­unar íss. Ís á svæð­inu hefur hopað mikið en íslaus svæði hafa nú þegar náð þeim spám sem vís­inda­menn töldu að yrðu að veru­leika árið 2030. 

„Það er sann­ar­lega mik­il­vægt fyrir Ísland að taka nú fullan þátt í sam­starfi þjóða og samn­ingum, sem munu hafa áhrif á þróun mála og koma í veg fyrir stjórn­lausar fisk­veiðar í Norður Íshafi ef ísinn hopar enn frekar og mögu­leikar til arð­bærra fisk­veiða skap­ast.“