Sjálfstæðismenn leggja í fjórða sinn fram frumvarp sem Íbúðalánasjóður segir að muni þrýsta upp fasteignaverði

Þingmenn Sjálf­stæð­is­flokks­ins hafa lagt fram í fjórða sinn frum­varp um að stimp­il­gjald vegna kaupa ein­stak­linga á íbúð­ar­hús­næði verði afnumið. 

„Markmið frum­varps­ins eru að auð­velda fólki að afla sér íbúð­ar­hús­næðis og auka skil­virkni og flæði á mark­aði með íbúð­ar­hús­næði. Mikil þörf er á að auð­velda fólki eins og frekast er unnt að eign­ast íbúð­ar­hús­næði, einkum við aðstæður á borð við þær sem nú ríkja á hús­næð­is­mark­aði,“ segir í grein­ar­gerð frum­varps­ins.

Eins og Stundin hefur áður fjallað um telur Íbúða­lána­sjóður að afnám stimp­il­gjalds myndi að öllum lík­indum leiða til hækk­unar fast­eigna­verðs. Þá gætu breyt­ing­arnar sem lagðar eru til í frum­varp­inu kynt undir hús­næð­is­vand­anum að mati Samtaka leigj­enda.

Í umsögn sem yfir­lög­fræð­ingur Íbúða­lána­sjóðs skil­aði Alþingi í fyrra kom fram að nið­ur­stöður ýmissa rann­sókna bentu til þess að sá við­skipta­legi ábati sem til komi vegna afnáms stimp­il­gjalds falli alfarið til selj­enda, þ.e. að lækkun stimp­il­gjalda leiði til sam­svar­andi hækk­unar íbúða­verðs. „Við aðstæður eins og á íslenskum fast­eigna­mark­aði, þar sem fram­boð nýrra íbúða hefur brugð­ist hægt við verð­breyt­ingum, er lík­legra en ella að lækkun eða afnám stimp­il­gjalda skili sér út í hærra fast­eigna­verð,“ segir í umsögn­inni. 

Samtök atvinnu­lífs­ins hafa einnig bent á að óvíst sé hvort frum­varpið nái því mark­miði að auð­velda fólki að afla sér íbúð­ar­hús­næðis. „Aðgerðir eins og þessar eru til þess fallnar að ýta undir eft­ir­spurn eftir íbúð­ar­hús­næði sem leiðir til verð­hækk­unar,“ segir í umsögn sam­tak­anna frá því í fyrra. 

Þingmenn Sjálf­stæð­is­flokks­ins, þau Áslaug Arna Sig­ur­björns­dóttir, Óli Björn Kárason, Vil­hjálmur Árnason, Páll Magn­ús­son, Njáll Trausti Frið­berts­son, Ásmundur Frið­riks­son, Bryndís Har­alds­dóttir og Brynjar Níelsson, virð­ast hins vegar ósam­mála þessu mati. „Sýnt þykir að stimp­il­gjald hafi áhrif til hækk­unar fast­eigna­verðs, dragi úr fram­boði og rýri hlut kaup­enda og selj­enda. Af fram­an­greindu má ætla að afnám stimp­il­gjalds af fast­eigna­við­skiptum muni auð­velda verð­myndun á hús­næð­is­mark­aði með til­heyr­andi aukn­ingu á fram­boði sem hefur verið með minnsta móti und­an­farin ár,“ segir í grein­ar­gerð frum­varps­ins sem þau lögðu fram í morgun. Frum­varpið var áður flutt á á 146., 147. og 148. lög­gjaf­ar­þingi.