Öryrkjar í hart gegn Tryggingastofnun og ríkinu

Stjórn Öryrkja­banda­lags­ins hefur falið lög­manni sínum að hefja inn­heimtu­að­gerðir vegna „krónu á móti krónu“ skerð­inga. Telja skerð­ing­arnar fela í sér ólög­mæta mis­munum og brjóta gegn jafn­ræð­is­reglu stjórn­ar­skrár.

Stjórn Öryrkja­banda­lagasins hefur falið lög­manni sínum að hefja inn­heimtu­að­gerðir gegn Trygg­inga­stofnun rík­is­ins og íslenska rík­inu vegna svo­kall­aðra „krónu á móti krónu“ skerð­inga. Er lög­manni banda­lags­ins heim­ilt að beita þeim inn­heimtu­að­gerðum sem þörf er á, þar með talið að höfða mál gegn dóm­stólum ef þörf krefur.

Forsaga máls­ins er að haustið 2008 setti þáver­andi félags­mála­ráð­herra reglu­gerð um nýjan bóta­flokk, sér­staka fram­færslu­upp­bót, og var hann lög­festur á Alþingi árið 2009. Sérstök fram­færslu­upp­bót náði í upp­hafi til bæði örorku­líf­eyr­is­þega og elli­líf­eyr­is­þega og skert­ist upp­bótin um krónu á móti hverri krónu sem líf­eyr­is­þegi vann sér inn sem tekjur.

Árið 2017 var umræddur bóta­flokkur felldur niður hjá elli­líf­eyr­is­þegum og sú upp­hæð sem áður hafði verið greidd út sem sér­stök fram­færslu­upp­bót var færð inn í bóta­flokk­inn elli­líf­eyri. Með því var krónu á móti krónu skerð­ingin afnumin. Viðlíka breyt­ing hefur ekki verið gerð þegar kemur að öryrkjum.

Öryrkja­banda­lagið bendir á að um sjö þús­und ein­stak­lingar í hópi öryrkja fái skertar greiðslur vegna krónu á móti krónu skerð­ing­ar­innar, vegna atvinnu­tekna, fjár­magnstekna eða líf­eyr­is­sjóðs­tekna. Það er mat banda­lags­ins að rík­is­sjóður taki með umræddum skerð­ingum til sín um fjóra millj­arða króna á ári sem að öðrum kosti myndu lenda í vösum öryrkja.

Öryrkja­banda­lagið fól Mál­flutn­ings­stofu Reykja­víkur að vinna álits­gerð um mis­munum í reglum þessum þegar kemur að ákvörð­unum um bætur almanna­trygg­inga. Nið­ur­staða Mál­flutn­ings­stofu Reykja­víkur er sú að krónu á móti krónu skerð­ing á greiðslum til öryrkja, en ekki til elli­líf­eyr­is­þega, kunni að fela í sér ólög­mæta mis­munun og brjóta gegn jafn­ræð­is­reglu stjórn­ar­skrár­innar, auk alþjóð­legra mann­réttinda­reglna.

Stjórn Öryrkja­banda­lags­ins skorar á Alþingi að færa sér­stöku fram­færslu­upp­bót­ina inn í bóta­flokk­inn tekju­trygg­ingu og leið­rétta þá mis­munun sem örorku­líf­eyr­is­þegar hafi orðið fyrir frá 1. jan­úar 2017 með því.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár