Sigmundur Davíð: „Marxísk endurskipulagning“ á heilbrigðiskerfinu

Sig­mundur Davíð Gunn­laugs­son, for­maður Mið­flokks­ins, segir núver­andi stefnu í heil­brigð­is­málum vera „harð­línu sós­í­al­isma“ sem virð­ist miða við að heil­brigð­is­kerfið verði „eitt bákn sem starfar á einum stað“. Þetta kemur fram í grein hans í Frétta­blað­inu í dag sem ber tit­il­inn „Heil­brigð­is­kerfi að hætti Marx og félaga“.

Sig­mundur Davíð skrifar að allir lands­menn séu sam­mála um að ríkið skuli tryggja öllum góða heil­brigð­is­þjón­ustu. „Það er því mikið áhyggju­efni að nú skuli hafa verið tekin upp stefna sem er ekki hægt að kalla annað en harð­línu sós­í­al­isma í heil­brigð­is­málum,“ skrifar hann. „Teknar eru ákvarð­anir sem aug­ljós­lega eru óskyn­sam­legar og jafnt og þétt horfið frá því sem best hefur reynst á Íslandi og erlendis. Allt í nafni hug­mynda­fræði sem hvergi hefur gengið upp. Jafnvel góð­gerð­ar­sam­tök sem byggja að miklu leyti á sjálf­boða­starfi fá að finna fyrir hinni marxísku end­ur­skipu­lagn­ingu.“

Ekki er ljóst til hvaða breyt­inga Sig­mundur Davíð er að vísa. Segir hann ríkið senda sjúk­linga í aðgerðir á einka­stofn­unum á Norð­ur­löndum og greiða fyrir þrefalt það sem aðgerðin mundi kosta á Íslandi. „Viðhorf þeirra sem ráða för virð­ist vera að um sé að ræða starf­semi sem telj­ist á ein­hvern hátt óhrein og megi því ekki fara fram innan landamær­anna en hægt sé að líta fram hjá því og borga auka­lega fyrir ef „glæp­ur­inn” er fram­inn utan land­stein­anna,“ skrifar hann.

Virðist Sig­mundur Davíð mæla sér­stak­lega fyrir einka­rekstri í heil­brigð­is­kerf­inu og tekur SÁÁ sem dæmi um þjón­ustu­að­ila sem falli utan núver­andi stefnu og sé þrengt að. „Sjúk­lingar geta því valið um að þjást á biðlista í ár eða greiða sjálfir fyrir þjón­ust­una og fá hjálp strax,“ skrifar Sig­mundur Davíð. „Sós­í­al­ism­inn leiðir oft af sér ójafn­ræði.“