295 millj­óna króna arður var greiddur út úr Brimi hf. í fyrra vegna rekstr­ar­árs­ins 2016. Þetta kemur fram í nýbirtum árs­reik­ingi Brims en fyr­ir­tækið er að mestu í eigu félaga Guð­mundar Krist­jáns­sonar útgerð­ar­manns. Rekstr­ar­tekjur sam­stæð­unnar námu 19,3 millj­örðum árið 2017 og hagn­aður rúm­lega 1,9 millj­örðum. Þetta er tals­verður við­snún­ingur frá 2016 þegar Brim tap­aði 100 millj­ónum. 

Brim er í tíunda sæti yfir þau fyr­ir­tæki sem ráða yfir mestum afla­hlut­deildum við Íslands­strendur. Auk útgerð­ar­innar á Íslandi rekur Brim sölu­fyr­ir­tæki í Asíu og útgerð og vinnslu í Græn­landi. Eignir sam­stæð­unnar námu 60,6 millj­örðum í árs­lok 2017 en þar af var verð­mæti afla­heim­ilda metið á 24,8 millj­arða. 249 manns störf­uðu að með­al­tali hjá Brimi árið 2017, almennur launa­kostn­aður var 3,5 millj­arðar en heild­ar­laun og þókn­anir til stjórn­enda námu 79,6 millj­ónum. 

Arðurinn vegna afkomu árs­ins 2016 rennur til félaga sem eru ýmist alfarið eða að veru­legu leyti í eigu Guð­mundar Krist­jáns­sonar. Þetta eru Línuskip ehf., Stilla útgerð ehf. og Fiskines ehf.

Samkvæmt álagn­ing­ar­skrá rík­is­skatt­stjóra var Guð­mundur með að með­al­tali 2,7 millj­óna króna tekjur á mán­uði árið 2017. Þá þén­aði Ægir Páll Frið­berts­son, fram­kvæmda­stjóri Brims, um 3,3 millj­ónir á mán­uði.

Brim keypti 34 pró­senta hlut í HB Granda í apríl síð­ast­liðnum á 21,7 millj­arða króna, en kaupin voru fjár­mögnuð með hand­bæru fé, lán­töku og sölu eigna. Brim gerði öðrum hlut­höfum félags­ins til­boð í sam­ræmi við yfir­töku­skyldu sam­kvæmt lögum um verð­bréfa­við­skipti. „Samkvæmt nið­ur­stöðum yfir­tökutil­boðs­ins mun fjár­fest­ing Brims hf. aukast um 1,9 millj­arð króna og eign­ar­hlut­ur­inn nema alls 37,02%,“ segir í árs­reikn­ingi Brims.

HB Grandi er það útgerð­ar­fyr­ir­tæki sem ræður yfir mestum afla­hlut­deildum á Íslandi, en fyrr í sumar tók Guð­mundur við for­stjóra­stöðu í fyr­ir­tæk­inu. Umsvif Guð­mundar í íslenskum sjáv­ar­út­vegi eru þannig gríð­ar­leg. Samkvæmt nýj­ustu upp­lýs­ingum Fiski­stofu um afla­hlut­deildir útgerða ræður Brim hf. yfir 3,71 pró­sentum afla­heim­ilda á Íslandi og Ögurvík, dótt­ur­fé­lag Brims, yfir 1,62 pró­sentum. HB Grandi, sem nú er í 37 pró­senta eigu Brims fer með 10,4 pró­sent afla­heim­ilda og Vinnslu­stöðin, sem Brim á um 33 pró­sent hlut í, fer með 4,11 pró­sent. Samtals eru þetta um 20 pró­sent heild­ar­kvót­ans í sjáv­ar­út­vegi.