Bjarni Bene­dikts­son fjár­mála­ráð­herra gagn­rýnir verka­lýðs­hreyf­ing­una harð­lega í við­tali sem birt­ist í Morg­un­blað­inu í dag og segir margar af kröfu­gerðum verka­lýðs­for­ingja ekki eiga heima í kjara­við­ræðum. „Menn láta ekki segja sér fyrir verkum. Fæstar af þessum yfir­lýs­ingum snúa að því sem á að ræða við samn­inga­borðið,“ er haft eftir Bjarna. „Kjara­við­ræður á almenna mark­aðnum snú­ast um kaup og kjör en eiga ekki að snú­ast um sífellda kröfu­gerð á stjórn­völd.“

Bjarni segir svig­rúm til launa­hækk­ana minna en áður. „Það liggur fyrir, og hefur legið lengi fyrir, að svig­rúm til launa­hækk­ana er orðið lítið sem ekk­ert,“ segir hann. Þá nefnir Bjarni að það standi yfir vinna við að lækka neðra skatt­þrepið í tekju­skatts­kerf­inu, en eins og Stundin hefur áður fjallað um myndi slík lækkun skila þeim sem eru með meira en 835 þús­und króna heild­ar­laun á mán­uði þrisvar sinnum meiri skatta­lækkun en fólki á lág­marks­launum. Bjarni setur þó þann fyr­ir­vara að rík­is­stjórnin ætli að huga vel að sam­spili bóta­kerfa og skatt­þrepa. 

Fjár­mála­ráð­herra gefur lítið fyrir umræðu um að ákvarð­anir kjara­ráðs hafi skapað ósætti á vinnu­mark­aði. „Launa­þróun þeirra sem heyra undir kjara­ráð er þrátt fyrir alla umræð­una sam­bæri­leg við bæði almenna og opin­bera mark­að­inn,“ segir Bjarni og full­yrðir jafn­framt að lögð hafi verið fram gögn sem sýni að „kjörnir full­trúar sem síð­ast voru hækk­aðir á kjör­dag 2016 séu komnir á sama ról undir lok þessa árs og aðrir hópar.“