For­stöðu­maður Félags­vís­inda­stofn­unar Háskóla Íslands getur ekki sagt hvenær skýrsla um erlenda áhrifa­þætti banka­hruns­ins verður gerð opin­ber. Hannes Hólm­steinn Giss­ur­ar­son, pró­fessor í stjórn­mála­fræði, hefur umsjón með verk­inu, sem átti að ljúka sum­arið 2015, en mun fara meira en þrjú ár fram yfir áætlun.

„Ég samdi drög að ræki­legri skýrslu á til­settum tíma, en hún var allt of löng, 600 bls., auk þess sem ýmis­legt átti eftir að birt­ast, sem ég vissi um,“ svarar Hannes fyr­ir­spurn blaða­manns í tölvu­pósti. „Þess vegna stytti ég skýrsl­una niður í 320 bls. og beið eftir ýmsum frek­ari heim­ildum. Ég hef síðan feng­ist við það, ekki síst að áeggjan Félags­vís­inda­stofn­unar, að stytta skýrsl­una veru­lega, auk þess sem ég hef borið ýmis atriði undir fólk, sem getið er í skýrsl­unni, og unnið úr athuga­semdum þess. Von er á henni á næst­unni.“

Að sögn Guð­bjargar Andreu Jóns­dóttur, for­stöðu­manns Félags­vís­inda­stofn­unar, voru skýrslu­drögin send Hannesi í apríl eftir yfir­lestur stofn­un­ar­innar. „Hann …