Fréttir

Sósíalistar vilja afnema greiðslur slökkviliðsins til borgarstjóra

Borgarfulltrúi Sósíalista mun leggja fram tillögu um að afnema greiðslur til borgarstjóra fyrir stjórnarformennsku hjá Slökkviliði höfuðborgarsvæðisins. „Dagur er ekki 90 sinnum merkilegri en ég,“ segir varaborgarfulltrúi.

Steindór Grétar Jónsson

18. júní 2018 · 08:43

Birtist upphaflega í Stundinni fyrir rúmum 8 árum.

Sanna Magdalena Mörtudóttir, borgarfulltrúi Sósíalistaflokksins, mun leggja til á fyrsta fundi borgarstjórnar að banna stjórnendum og kjörnum fulltrúum borgarinnar að þiggja þóknun fyrir fundi í stjórnum, ráðum og nefndum sem haldnir eru á vinnutíma. Vísar hún í tilkynningu frá flokknum til umfjöllunar Stundarinnar um laun sveitarstjóra og greiðslur Slökkviliðs höfuðborgarinnar til Dags B. Eggertssonar borgarstjóra fyrir formennsku í stjórn þess.

„Það hefur eitthvað farið alvarlega aflaga í stjórnmálum þegar borgarstjóri Reykjavíkur og bæjarstjórar nágrannasveitarfélagana eru farnir að taka sér hærri laun en borgarstjórar New York, London og París,“ segir Sanna. „Fyrsta skrefið ætti að vera að banna þessu fólki að taka þóknanir fyrir fundi sem það situr í vinnutíma sinnar aðalvinnu og sem eru því augljóslega hluti af þeim starfsskyldum sem það fær greitt fyrir af föstu launum.“ Þetta er haft eftir henni í fréttatilkynningu frá Sósíalistaflokknum.

Dagur fær 205.172 kr. á mánuði fyrir formennsku í stjórn slökkviliðsins. Aðrir stjórnarmenn, sem allir eru bæjarstjórar sveitarfélaganna á höfuðborgarsvæðinu, fá 136.781 kr. á mánuði. Þá fá þeir varamenn sem taka sæti á stjórnarfundum í forföllum bæjarstjóranna 16.670 kr. fyrir hvern fund. Það sem af er árinu 2018 hafa fimm fundir verið haldnir í stjórninni, en þeir voru alls níu talsins í fyrra og sjö á árinu 2016. Fundir taka að jafnaði einn til tvo tíma, samkvæmt fundargerðum.

Dagur fær rúm lágmarks mánaðarlaun fyrir einn fund

Daníel Örn Arnarsson, varaborgarfulltrúi sósíalista og stjórnarmaður í stéttarfélaginu Eflingu, tekur í sama streng. „Konan sem skúrar skrifstofu Dags B. Eggertsson er líklega með lágmarkslaun, 300 þúsund krónur á mánuði,“ segir Daníel. „Dagur sjálfur tekur síðan 330 þúsund krónur í þóknun fyrir einn klukkutíma á fundi hjá slökkviliðinu. Borgarfulltrúar verða að stoppa þetta.“

Daníel segist sitja einn tveggja klukkustunda fund í mánuði sem stjórnarmaður í Eflingu. „Fyrir stjórnarsetu í Eflingu fæ ég 100 þúsund krónur á ári, rúmar 8 þúsund krónur á mánuði og því tæpar 4 þúsund krónur á tímann,“ segir Daníel. „Þóknun Dags er um 90 sinnum hærri en þetta. Án þess að ég vilji gera of mikið úr sjálfum mér get ég fullyrt að Dagur er ekki 90 sinnum merkilegri en ég.“

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

ViðskiptiViðskipti Bjarna Benediktssonar

Bjarni kominn með hlut í fjölskyldufyrirtækinu

Bjarni Benediktsson er orðinn hluthafi í Alfa, fjölskyldufyrirtæki Engeyinga, sem er stærsti eigandi Kynnisferða og á hlut í fjölda skráðra félaga á markaði. Félagið seldi Tékkland bílaskoðun og Bjarni fær um 19 milljónir króna í arð. Bjarni hefur áður sagst ekki koma að rekstri viðskiptaveldis fjölskyldunnar.

ErlentÞegar gervigreindin tekur yfir

Setja stopp á fleiri gagnaver

Orkufrek og hávær gagnaver skapa of fá störf.

Stjórnmál

Krefjast tæps milljarðs af félagi þingmanns

Kröfur upp á 981 milljón eru undir í beiðni um nauðungarsölu á lóðum félagsins Render Centium ehf. í Mosfellsbæ. Bergþór Ólason, þingmaður Miðflokksins, og faðir hans eiga félagið sem átti að byggja þjónustuíbúðir fyrir aldraða á lóðinni en hefur rift samningnum. Málið varpar ljósi á byggingarverkefni þingmannsins víða um land en hann segist sína aðkomu ekki tímafreka.

Innlent

Ómenning að líta á kynferðisbrot sem „fórnarkostnað við skemmtun“

Drífa Snædal talskona Stígamóta segir orðræðu um kynferðisbrot á útihátíðum „einkennismerki þess að ofbeldi er látið viðgangast í samfélaginu“. Um helgina voru fjögur kynferðisbrot á útihátíðum tilkynnt til lögreglu en hátíðarhaldarar og lögregla tala um að hátíðarhöld hafi almennt gengið vel.

Innlent

„Eftir HM munu mjög líklega einhverjir leita sér aðstoðar“

Áætlað er að heimsmeistaramót karla í knattspyrnu sem nú fer fram verði stærsti veðmálaviðburður í heimi. Anna Hildur Guðmundsdóttir formaður SÁÁ segir Ísland ekki undanskilið slíkri spá. Innan við tíu prósent af þeim sem glíma við spilafíkn leita sér aðstoðar.

ErlentBandaríki Trumps

Kalla eftir alþjóðlegum aðgerðum gegn „öfgafullu vinstri fólki“

Utanríkisráðherra Bandaríkjanna segir „hryðjuverkafólk“ undir yfirskini „jafnréttis, réttlætis og frelsis“ vera „einstaka illsku“. Stephen Miller, hægri hönd forsetans, segir vinstrimenn dreifa „krabbameini“ í samfélaginu. „Þau eru öll afmynduð á einhvern hátt í útliti, klæðaburði og háttalagi,“ segir hann.

Mest lesið

Mest lesið í vikunni

Innlent

„Í dag eru liðin 5 ár síðan líf mitt breyttist að eilífu“

Alexandra Ada Hilmars Sigurjónsdóttir minnist þess að fimm ár séu liðin frá því henni var nauðgað. Hún kærði en maðurinn svipti sig lífi. Foreldrar hans kærðu hana fyrir rangar sakargiftir en hún var sýknuð.

Viðtal

Náttúrubarnið í Sænautaseli

Lilja Hafdís Óladóttir á Merki á Jökuldal líður best í óbyggðum og stendur vaktina í Sænautaseli, þar sem hún tekur á móti gestum með nýbökuðum lummum. Eftir fráfall móðurinnar var hún komin í húsmæðrahlutverk fimmtán ára gömul, auk þess að sinna bústörfum. Rúmlega tvítug varð hún móðir en gaf barnið til ættleiðingar. Seinna eignaðist hún annað barn. Nú líður henni best úti í náttúrunni og í kringum dýrin, enda rolluhvíslari sem var eitt sinn bjargað af hesti og getur séð í niðamyrkri.

Viðskipti

Félög Fiskikóngsins högnuðust um 117 milljónir

Heitirpottar.is í eigu Fiskikóngsins Kristjáns Bergs Ásgeirssonar högnuðust um 88 milljónir í fyrra. Fasteignafélag hans keypti 350 milljóna jörð í Mosfellsdal.

Innlent

Áhrif evru á fasteignalán Íslendinga

Ef vextir á húsnæðislánum lækka má gera ráð fyrir að húsnæðisverð hækki fyrst um sinn. Þegar frá líður mun húsnæðisverð líklega fyrst og fremst endurspegla byggingarkostnað og verð á lóðum, skrifar Sigurður Jóhannesson, sérfræðingur við Hagfræðistofunun HÍ.

Aðsent

Þórólfur Matthíasson

Ráðgjafi týnist í eigin talnaþoku

Við erum engu nær um það af hverju matvælaverð á Íslandi skuli vera svo miklu hærra en í nágrannalöndum þar sem framfærslutekjur eru svipaðar.

ViðskiptiViðskipti Bjarna Benediktssonar

Bjarni kominn með hlut í fjölskyldufyrirtækinu

Mest lesið í mánuðinum

Viðskipti

Samherjabörnin greiddu lán foreldra sinna með eignarhlut í stærsta eiganda Samherja

Lánið sem Þorsteinn Már Baldvinsson og Helga Steinunn Guðmundsdóttir veittu börnum sínum til að kaupa nærri helmings hlut í Samherja af þeim hefur verið gert upp. Börnin, þau Baldvin, forstjóri Samherja, og Katla Þorsteinsbörn eru nú orðnir meðeigendur foreldra sinna í félögunum sem lánuðu þeim fyrir kaupunum. Samþykktir félagsins tryggja þeim fastar arðgreiðslur úr K&B á hverju ári.

Stjórnmál

Hildur sendir bréf á starfsfólk

Borgarstjóri segir í bréfi til starfsfólks að uppsagnirnar „leggi grunn að sterkari og betri framtíð fyrir borgina“. Hún boðar aðrar breytingar, meðal annars á viðveru starfsfólks.

Innlent

„Í dag eru liðin 5 ár síðan líf mitt breyttist að eilífu“

Viðskipti

Stærsta arðgreiðslan fyrir Skólamat fram til þessa

Félagið Skólamatur sem selur skólamötuneytum mat hagnaðist um 274 milljónir króna fyrir skatt í fyrra og greiðir nú meira í arð.

InnlentFerðamannalandið Ísland

Deilur við nágranna um bílastæði við náttúruperlur: „Ég má hefta aðgang“

Landeiganda hefur misboðið umgengni við Fosslaug og Reykjafoss. Hann segir nágranna sinn rukka fyrir bílastæði en firra sig ábyrgð á svæðinu. Lög tryggja almenningi för um óræktað land.

Innlent

Sagt upp í Ráðhúsinu þar sem hún lá á bráðamóttöku

Þegar Hólmfríður Helga Sigurðardóttir lagði hjólandi af stað í vinnuna í síðustu viku grunaði hana ekki hvað var í vændum. Hún varð fyrir bíl og þar sem hún lá slösuð á bráðamóttöku var henni sagt upp störfum sem upplýsingafulltrúi í Ráðhúsinu. Hún segir frá því þegar hún fékk „ tvö rothögg á einum örlagaríkum degi“.