Heiður Bald­urs­dóttirHún var afkasta­mikil og skrif­aði sex bækur um ævina.

Mynd: Heiða Helga­dóttir

Þær Bryn­hildur og Þórey Mjall­hvít, ásamt föður sínum, Ómari Harð­ar­syni, hafa á und­an­förnum mán­uðum farið gaum­gæfi­lega yfir höf­unda­verk móður þeirra, Heiðar Bald­urs­dóttur rit­höf­undar, og und­ir­búið það fyrir end­ur­út­gáfu. Heiður var ekki nema 34 ára þegar hún lést en hafði þrátt fyrir það látið að sér kveða á ýmsum sviðum. Hún hafði gefið fjórar bækur og hand­rit þeirra fimmtu og sjöttu var til­búið. Þrátt fyrir afköstin sinnti hún aðeins rit­störfum í hjá­verkum, því hún var virtur sér­kenn­ari og ötul bar­áttu­kona fyrir jafn­rétti barna, ásamt því að taka þátt í fjöl­breyttu gras­rótar- og félags­starfi, meðal ann­ars innan Kenn­ara­sam­bands­ins. „Já, mamma var afskap­lega mikil bar­áttu­kona,“ tekur Bryn­hildur undir. „Hún var rót­tæk í stjórn­mála­skoð­unum og mik­ill umhverf­is­vernd­ar­sinni og trúði stað­fast­lega á jafn­rétti á milli barna og hafði ákveðið að helga ævi sína því. Hún hafði sér­staka ástríðu fyrir að kenna …